But objaviteljija koristinena amari aplikacija JW Library^® te spreminen pe aso sastankija. Ki kartica „Sastanci“ lokho šaj te arakhen o članko kova ka ćerel pe odova kurko. Ama, ki Stražarsko kula isi hem avera člankija kola tane isto duhovno hrana. Sar šaj te arakha akala člankija ki amari aplikacija JW Library te ne bi propustinaja te čitina len?

• Ki kartica „Sastanci“, teleder o naslov ando svako članko proučibase isi podnaslov „Ko akava izdanje“. Đa ko link „avera člankija“, kola tane teleder odova podnaslov. Ko sadržaj šaj te dikhe o naslov hem o broj ando svako članko proučibase. Phrav disavo aver članko kova mangeja te čitine.

• Ki početno stranica andi aplikacija JW Library, ko deo „Nevo“ huljav svako izdanje andi Stražarsko kula odmah ked pojavini pe. Phrav odova časopis kova huljavđan hem dikh o sadržaj te ne bi propustineja te čitine disavo članko.