ĐILI 102
Te pomožina okolenđe soj tane slaba
-
1. Slaba, grešna manuša
sarine hijam.
Ama o Devel nane
te mukhel amen.
Isi le ko vilo
šukaripe baro.
Sar oleste te ova
ked pomožina.
-
2. Šaj sig neko te perel,
slabo te ovel.
Te šuže lafencar tu
hrabrin te phrale.
Phen lese: „O Devel
tut uvek ka vazdel!
To amal me ka ovav,
ka pomožinav.“
-
3. Niked amare phralen
ma te sudina.
Mangipaja te šuna,
te utešina.
Ko sa o pharipa
olencar te ova.
Zorale te aćhoven,
te istrajinen.
(Dikh hem Is. 35:3, 4; 2. Kor. 11:29; Gal. 6:2.)