O Jehowah kamell, te prindjress les feteder. Hoske? An leskro dji hi: Jaake feteder tu les prindjreh, jaake budeder kameh leskro maal te well. Nai weh tu i maal o Deblestar (Dik pal an Gilja 25:14)? Hoi nai kreh tu, te wess leskro maal? I bibla penell tuke kowa un sikrella, hoske kek malepen jaake bud moldo hi, har o malepen i Jehoweha.

1. Hawo shukar lab penell o Jehowah ap tute?

“Awenn pash o Debleste! Jaake well job ninna pash tumende” (Jakobo 4:8). Hoi penenn kola laba? O Jehowah penell tuke, te wess i maal lestar! Denn sawe, kai putchenn pen, har nai wau me i maal o Deblestar, te nashte dikau les gar. Halauter, hoi mer pral leste hunte djinas, hatsah mer an i bibla. Te drawerah an leskro lab i bibla, well maro malepen i Jehoweha sorleder, ninna te dikah les nashte gar.

2. Hoske hi o Jehowah o fetester maal?

Kek kamell tut jaake bud har o Jehowah. Te hi tut probleme, nai weh an hako tsiro pash leste, job kamell, te wess bachteles. I bibla penell menge: “Lauter, hoi hi tumen phares ap o dji, witsrenn ap leste! Job krell lauter mishto” (1. Petro 5:7). O Jehowah hi peskre malenge an hako tsiro koi, dell lenge soor un shunell, hoi jon leske penenn (Dik pal an Gilja 94:18, 19).

3. Hoi kamell o Jehowah peskre malendar?

Ninna, te kamell o Jehowah hakenes, hi lo kokres kolenge i maal, “kai ap o tchatcho drom djan” (Gosewe Laba 3:32). Job kamell peskre malendar, te krenn le kowa, hoi an leskre jaka mishto hi un te mukenn le kowa, hoi an leskre jaka tchilatcho hi. Hoi hi, te penell jek, me nashte djiwau gar jaake, har o Jehowah kowa kamella? I Jehowes hi i baro dji menge. Job dikell latches ap kolende, kai les tchatchepah kamenna un halauter an pengri soor krenna, te dikell job latches ap lende (Gilja 147:11; Bitchepangre 10:34, 35).

 RODAS DUREDER

4. O Abraham his i maal i Jehowestar

Kowa, hoi an i bibla pral i Abrahameste (glanstunes kharas job Abram) tchinlo hi, sikrell menge, har kowa hi, te hi jek i maal i Jehowestar. Dikenn pal an 1. Mose 12:1-4, un rakrenn khetne pral:

• Hoi penas o Jehowah ap i Abrahameste, te krell lo?

• Ap hoi das o Jehowah les peskro lab?

• Har reagieras o Abraham, har o Jehowah leske kowa penas?

5. Hoi kamell o Jehowah, te krenn leskre mala?

Denna bud situatione, kai kamah mer mare malendar, te krenn le menge tchomone.

• Hoi kameh tu, te krenn tire mala tuke?

Dikenn pal an 1. Johanni 5:3, un rakrenn khetne pral:

• Hoi kamell o Jehowah peskre malendar?

Te kamah ap i Jehoweskre laba te shunell, nai well kowa jaake, kai hunte djiwas mer maro djipen wawartchandes un kai hunte las mer i newi shinia ap mende. Dikenn pal an Jesaja 48:17, 18, un rakrenn khetne pral:

• Hoske kamell o Jehowah peskre malendar, te krenn le an pengro djipen tchomone wawartchandes?

 6. Hoi krell o Jehowah peskre malenge?

 HOI KATE PENLO WAS

O Jehowah kamell tiro maal te well. Job tserdell tut pash peste, te kameh.

Hoi penals tu?

• Har hi o Jehowah peskre malenge koi?

• Hoske kamell o Jehowah peskre malendar, te krenn le an pengro djipen tchomone wawartchandes?

• Kamell o Jehowah peskre malendar budeder har bud? Hoske peneh tu kowa jaake?