1. Jaake bud prahla un pehnja;

mer i familja ham.

Maro Dewles sharah mer,

glan leste ketne wam.

Ham leskre Rakepangre,

dran hako them mer wah,

dran haki tchip, mer ham jaake bud!

Mer leskro wast haiwah.

2. Jaake bud prahla un pehnja;

ketne mer lentsa djah

an i Dewleskri Buhti,

o latcho lab anah.

Ninna, te hi kek soor men,

o Jesus, job penell:

“Ahm sig pash mande, te less i soor.”

Job men khamell hidjrell.

3. Jaake bud prahla un pehnja;

mer i Dewles gamah.

Krah leske latchi buhti,

ketne mer les sharah.

Mer ham bud Rakepangre,

pral leskro Them rakrah.

I buhtepangre mer lestar ham,

ketne o drom nashah.