Si thana cai le manușa pachian că varecon daștil te avel ciaces fericime numai cana căsătoril-pe. Cu sea cadala, na savore cai sile căsătorime sile vi fericime hai na savore cai sile corcore sile nefericime. O ciacimos si că i Biblia phenel că si iech buchi lași vi cana varecon alosarel te așel corcoro, tha vi cana alosarel te căsătoril-pe. Le dui sile daruri catar o Iehova.

1. So miștimata silen codolen cai sile corcore?

I Biblia phenel: „Con căsătoril-pe mișto cherel, tha con ci căsătoril-pe cherel vi mai mișto”. (Citisaren 1 Corinteni 7:32, 33, 38.) Sostar „cherel vi mai mișto” codo cai ci căsătoril-pe? Iech creștino cai silo corcoro si mai libero, anda codoia că ci trebul te lel sama pesche rromestar sau pesca rromniatar. Sar exemplo, chichiva daștin te cheren mai but anda o Iehova, cana muchin-pe ande aver thana caște predichin i vestea lași. Hai o mai importanto si că silen mai but timpo te pașion le Iehovastar.

2. So miștimata silen codolen cai căsătorin-pe legalo?

Cadea sar codola cai sile corcore, vi codolen cai căsătorin-pe silen miștimata. I Biblia phenel: „Mai mișto dui sar iech”. (Eclesiasto 4:9) Cado ciacimos dichiol-pe vi mai but mașcar le creștini cai ande lenghi căsnicia cheren cadea sar sicavel i Biblia. Cana căsătorin-pe legalo, iech rrom hai iech rromni cheren iech solaharimos prin savo phenen că va avena te iubin-pe iech averes, te sicaven respecto iech caring aver hai te dichen-pe cuci iech averes sea lenghi viața. Cadea că, cadalen silen mai but siguranța sar codolen cai beșen ande iech than bi te căsătorin-pe legalo. I căsătoria legalo anel miștimata vi le șiavenghe, cai barion ande iech than mai siguro.

3. Sar dichel o Iehova i căsătoria?

Cana cărdea i iechto căsătoria, o Iehova phendea: „O murș va mechela pesche dades hai pesca deia hai va beșela pesca rromnia”. (Geneza 2:24) O Iehova camel ca o rrom hai i rromni te iubin-pe iech averes hai te așen ande iech than sea lenghi viața. Vo mechel o divorțo numai cana iech anda lende cherel adultero. Cana întâmplol-pe cadea, o Iehova mechel codoles cai ci silo doșalo te alosarel dacă va avela te șinel peschi căsătoria sau nici. a (Matei 19:9) O Iehova ci mechlea ca le rromes te avel-les mai but rromnia hai nici iecha rromnia te avel-la mai but rroma. (1 Timotei 3:2)

 HACHIAR MAI MIȘTO

5. Av goghiaver cana alosares che rromes sau chia rromnia

Iech anda le mai bare decizii cai les-le vroiechdata si casa te căsătoris-tu. Citisaren Matei 19:4-6, 9 hai pala codoia den duma:

• Sostar ci trebul te sighiarel iech creștino cana camel te căsătoril-pe?

I Biblia daștil te sicavel-tu so te rodes codoleste casa cames te căsătoris-tu. I mai importanto buchi si te iubil le Iehovas. b Citisaren 1 Corinteni 7:39 hai 2 Corinteni 6:14 hai pala codoia den duma:

• Sostar trebul iech creștino te căsătoril-pe numai varecaia cai slujil le Iehovasche?

• So si ando ilo le Iehovasco dacă alosares te căsătoris-tu varecaia cai ci iubil-les?

 6. Dich i căsătoria sar dichel-la o Iehova

Ando purano Israelo, chichiva murșa gândisarenas-pe numai pende hai mechenas penghe rromnian bi te avel len iech motivo. Citisaren Maleahi 2:13, 14, 16 hai pala codoia den duma:

• Sostar urâl o Iehova o divorțo cai ci silo pala sar phenel i Biblia?

Dichen o MATERIALO VIDEO hai pala codoia den duma:

• Dacă san căsătorime varecaia cai ci silo ando ciacimos, so daștis te cheres caște avel-tu iech șucar căsnicia?

7. Cher le buchia andi căsătoria cadea sar manghel-le o Iehova

 SO SICHILEAM

Vi o fapto te aves corcoro hai vi i căsătoria sile daruri catar o Iehova. Le dui daștin te bucurin chio ilo, dacă cheres le buchia cadea sar manghel-le o Iehova.

So dichleam

• So lașe buchia daștil te cherel iech manuș cai silo corcoro?

• Sostar phenel i Biblia că iech creștino trebul te căsătoril-pe numai varecaia cai slujil le Iehovasche?

• Cadea sar phenel i Biblia, savo si o corcoro motivo anda divorțo?