Cana tu hai chio partenero de căsătorie începosaren te jian po drom la viațaco, va avela tume vi problemea. Chichiva anda lende daștin te aven anda o modo sar gândil, simțol hai dichel i viața fiesavo anda tumende. Aver daștin te aven andai cauza le buchiango cai aven de avreal sau anda so daștil te întâmplol-pe bi te jianes de anglal.

Daștilas te avel mai ușoro te na diches sar așen ciaces le buchia. Tha i Biblia îndemnol-ame te rezolvisaras le problemea (Matei 5:23, 24). O mai lașe soluții ca le problemea anda save nachen va arachena-le dacă cheren so phenen le principii la Bibliache.

SO PHENEL I BIBLIA: Si „iech timpo caște des duma” (Eclesiasto 3:1, 7). Cheren tumenghe timpo caște den duma anda tumari problema. Phen che partenerosche so simțos sincero hai sar diches tu i problema. ‘Phen lesche o ciacimos’ sea o timpo (Efeseni 4:25). Na mech ca so simțos te cherel-tu te has-tu leia nici atunci cana simțos că ci mai daștis te așes. Iech răspunso phendo șucar daștil te cherel ca tumari discuția te na arăsăl cai te han tume zurales (Proverbe 15:4; 26:20).

Chiar cana ci san de acord so phenel o coaver, sicav mai dur iubirea hai respecto (Coloseni 4:6). Încercosar te rezolvis i problema chichi mai sigo hai na cher te na des duma che parteneroia (Efeseni 4:26).

SO DAȘTIS TE CHERES:

• Alosar iech momento lașio caște den duma anda tumari problema.

• Cana chio partenero del duma, ascultisar-les bi te așiaves-les. Va avela vi chio timpo caște des duma.

SO PHENEL I BIBLIA: „Aven pherde afecțiunea tandro iech caring aver. Cana trebul te sicaven pachiv iech avresche, aven primii” (Romani 12:10) Si foarte importanto o felo sar ascultis. Încercosar te hachiares sar dichel chio rrom sau chi rromni le buchia. Străduisar-tu ‘te aven-tu sa codol sentimentea hai te aves umilo’ (1 Petru 3:8; Iacov 1:19). Na numa cher-tu că ascultis. Cana daștis, mech sea so cheres ande codo momento, av atento soste phenel chio partenero hai ascultisar ciaces. Sau puș-les dacă daștin te den duma pala codoia. Dich che rromes sau chia rromnia sar ieche amales, na sar ieche dușmanos, cana va chereia cadea ci va avela te holeaves-tu sigo. (Eclesiasto 7:9).

SO DAȘTIS TE CHERES:

• Continuisar te ascultis hai te cheres so phenel-pe tuche, chiar dacă so așunes ci placeal-tu.

• Încercosar te diches sostar phendea codol cuvintea. Av atento pe ce tono del duma chio partenerii hai ce gesturi cherel.

SO PHENEL I BIBLIA: „Orisavi buchi phari anel miștimata, tha le nanghe vorbe îngăren ciorâmaste.” (Proverbe 14:23) Nai destul te aven de acord ande soste priveal iech soluția lași. Trebul vi te cheren so phendean. Cadaia daștil te avel iech buchi phari, tha meritil o eforto (Proverbe 10:4). Dacă va avela te cheren buchi sar iech echipa, va avela tume „iech lașio pochinimos anda tumari buchi” (Eclesiasto 4:9).

SO DAȘTIS TE CHERES:

• Phenen so va trebula te cherel fiesavo anda tumende caște rezolvil i problema.

• Po iech data dichen tumaro progreso.