Azinji a ife taona kale pinthu pyakusowa ulungami mbapicitika, pontho kazinji kene anthu adidi asathabuswa na anthu akuipa. Kodi unadzafika ndzidzi wakuti nkhabe kudzonekabve uipi na kusowa ulungami?

Bhibhlya pa Masalmo 37 isatawira mbvundzo unoyu, pontho isatipasa uphungu wadidi wakuti unatiphedza ntsiku zino. Isatawirambo mibvundzo yakufunika kakamwe ninga iyi:

• Tisafunika kucitanji kuna ale anatitcinga?—Vesi 1, 2.

• Ninji pinafuna kudzacitika kuna anthu akuipa?—Vesi 10.

• Ninji pinafuna kudzacitika kuna ale anacita pinthu pyadidi?—Vesi 11, 29.

• Tisafunika kucitanji cincino?—Vesi 34.

Bhibhlya isapangiza pakweca pa Masalmo 37 kuti ale ‘anadikhira Yahova mbatoweza njira zace’ anadzakhala na tsogolo yadidi. Mboni za Yahova zinakhala zakutsandzaya kakamwe toera kukuphedzani kupfundza Bhibhlya, pontho toera kukuphedzeni kudziwa pinafunika imwe kucita kuti mukhale na tsogolo ineyi yadidi pabodzi na ale anafuna imwe.