Bob angbâ ti kpe na oto ti lo, lo kpe na vitesse. Na temps ni so, dê asara mingi nga pupu aya; a yeke na kete kodro ti Alberta na Canada la. Mo ye ti bâ, mbeni roue ti mbage ti peko ti oto ti lo akoro. Na début ni Bob ahinga ye so asi so ape, na lo ngbâ ti kpe na oto ni; a ngbâ na lo kilomètre oku ti tene lo si na yanga-da.

 Na yâ ti mbeni lettre so Bob àtokua na Da ti Royaume ti aTémoin ti Jéhovah ti kodro ni, lo fa ye so apassé na pekoni, lo tene: “Ambeni maseka oku na yâ ti mbeni oto aga na terê ti mbi, ala descend vitre ti oto ti ala, na ala tene na mbi so roue ti oto ti mbi akoro. Mbi na ala kue e ngbâ e luti na terê ti lege na ala hunda mbi ti tene ala changé roue ni. Mbi hinga nga même lani ape wala mbi yeke na roue de secours wala mbeni cric ti yo na oto ni na nduzu. Na temps so mbi yeke na terê ti lege ni na yâ ti ti fauteuil roulant ti mbi, ala lï na gbe ti oto ni na ala wara roue de secours nga na mbeni cric, na ala changé roue ni. Dê asara lani na temps ni so mingi nga neige ayeke tï. Amaseka ni ayü bongo lani pendere, me atâa so kue ala changé roue ti oto ti mbi, a sara si mbi wara lege ti kiri na yanga-da. Mbi oko mbi peut lani ti sara ye ni so ape.”

 “Merci mingi na aTémoin ti Jéhovah oku so ade maseka si a-aidé mbi lani so. Ala gue lani ti fa tënë ti Nzapa na azo da na da. Ala sara ye ague oko na ye so ala yeke fa. Tongana ala yeke fade dä ape, ka ye ni ayeke duti ngangu mingi na mbi. Mbi kiri merci mingi na ala ndali ti ye so ala sara so. Tâ mo bâ mo tene Nzapa la atokua ala na lango ni so ti aidé mbi!”