Sai diro, fayyimmate ogeeyye callimma ordu fayyimma lowo geya gawajjitanno daafira mala hasa hasiissannota coyidhino. Ikkina callimmate malu heeˈrakka?

•   Ameerikunnihu fayyimmate Ogeessi Dokter Viveki Merti, “Callimmanna mannunniwa gambo giwa, fayyimmankeranna keeraanchimmankera bala ikkitanni no” yiino. Isi lede, “Kayinni hansiro malu dihooganno” yee coyiˈrino. Malu maatiyya? “Shiimare ikkiro nafa barru baala wolootu ledo noonke aante kaajjishannore assate.” a

 Callimma amaddannohu mannunniwa gambo gimboonni daafira calla diˈˈikkino. Mitoota lowo manni ledo heedheenna nafa callimma amaddansara dandiitanno. Callimmate kora ikkanno coyi ikkihano ikkiro, Qullaawu Maxaafi kaaˈlannonke. Qullaawu Maxaafi, jaaloomanke kaajjishiˈrate kaaˈlitannonketa kaajja amaale aanno.

 Mannu ledo dancha gede hasaawate dandoo lossiˈri. Tenne assate, ati calla hasaaphattoha ikkikki wolootu hasaaphitanno woyite macciishshattoha ikka hasiissannohe. Wolootahono hedattota leellishattoha ikkiro, jaaloomiˈne kaajjado ikkanno.

•   Qullaawu Maxaafi biddishsha: “Mittu mittunku woleho woyyannore hedo ikkinnina, umisira woyyannore calla laoonke.”—Filiphisiyusi Sokka 2:4.

 Addi addi gari manni ledo jaalooˈmi. Darawokki ikkitinokkiri ledo woy diro roorattori ledo hattono addi addi budi, losso woy gaˈre noonsari ledo jaalooˈmi.

•   Qullaawu Maxaafi biddishsha: “Wodana halaˈle.”—2 Qorontoosi 6:13.

 Wolootu ledo dancha jaalooma kalaqiˈra dandiinanni gara ledde afate, “Jaalooma Kalaqiˈrate Hasatto” yaanno birxicho nabbawi.