Hundinni kayise Qullaawu Maxaafi geeshsha lowo mannira iilla dandiinohu wolu maxaafi dino. Qoleno batinyu manni konne Maxaafa lowo geeshsha baxanno. Ikkirono miteekkite, ‘Isi Qullaawu Maxaafiti qara sokka maati?’ yite hedattoha ikkara dandaanno.

Qullaawu Maxaafi Kulanno Sokka Maati? yitanno biroshere Qullaawu Maxaafita qara sokka xaphi assite kultanno; qoleno Qullaawu Maxaafita guulcho hedo huwatatto gede kaaˈlitannohe. Tini biroshere, Maganu addi addi coye kalaqino gara kulannohu Kalaqamu maxaafinni kayise hagiirsiissanno hexxonke kulannohu Ajuujate maxaafi geeshsha noota Qullaawu Maxaafi amado haransite kultanno. Qoleno mite jajjabba coyibba ikkitino yanna huwatate kaaˈlitanno mashalaqqeno amaddino. Biifado misillanna hasaawaho kaaˈlitannota kaajja xaˈmuwano amaddino.

Qullaawu Maxaafi Kulanno Sokka Maati? yitanno biroshere Amaaru afiinni interneetete aana nabbawa dandaatto.