Yihowa Farciˈraasine Qullaawa Maxaafa dancha gede assite rosiissanno qixxaawo noonsa. Tini Qullaawu Maxaafi xiinxallo pirogiraame:

•   Hagiirru noo heeshsho heeˈratto gede

•   Maganu jaala ikkatto gedenna

•   Qullaawu Maxaafi albillittete yanna daafira kulanno hexxo afatto gede kaaˈlitannohe

Konni qoolira:

•  Qullaawa Maxaafa xiinxallinseemmohu ma garinniiti?

•  Xiinxallote woxe baaxxa hasiissannoe?

•  Xiinxallo mageeshshi yanna keeshshitannote?

•  Xiinxallo hanafeemmohu hiittoonniiti?

•  Xiinxallate sumuu yaammora albaanni balaxe woˈnaale laˈˈa dandeemmo?

•  Xiinxallate sumuu yuummoro, Yihowa Farciˈraasincho ikkeemmo gede xixxiimbannie?

•  Qullaawa Maxaafa umiˈyaha horoonsiˈra dandeemmo?

•  Wolu mannino ledoˈya xiinxallanno gede koyisa dandeemmo?

•  Qullaawa Maxaafa Yihowa Farciˈraasine ledo alba xiinxalle egennoommoha ikkirona? Xiinxallo wirro hanafa dandeemmo?

•  Qullaawa Maxaafa umiˈya xiinxalleemmo gede kaaˈlitanno qixxaawo nooˈne?

 Mitto xiinxallisannohe mancho worreenna, isi Qullaawa Maxaafa gafu gafunni rosiisannohe. Qullaawa Maxaafa kaajja gede xiinxallate kaaˈlitannota Hegerera Hagiidhitanni Heeˈra Dandaatto! yitanno borro horoonsidhe, Qullaawu Maxaafi mayyaannoronna atera kaaˈlannohehu hiittoonniitiro aante aantete rosatto. Ledde afate, tenne viidiyo lai.

 Dihasiissannohe. Yihowa Farciˈraasine Yesuusi rosaanosira “Calla adhitinoonnire calla uuyye” yee uyino biddishsha ayirrissanno. (Maatewoosi 10:8) Qoleno, xiinxallote borrora lawishshaho Qullaawu Maxaafiranna Hegerera Hagiidhitanni Heeˈra Dandaatto! yinanni borronkera woxe diadhineemmo.

 Woˈma korse 60 roso (fooliishsho) amaddinote. Rosu keeshshanno yanna mannu mannu ranke garinni babbaxxitanno; ikkirono batinye rosaano lamalate giddo mitto woy hakkii saino roso xiinxallitanno.

1.  1. Interneetete aana noo forme wonshi. Tenne forme wonshatto woyite borreessatto mashalaqqe horoonsiˈneemmohu, kuˈlootto garinni mittu Yihowa Farciˈraasinchi hasaawisannohe gede assate callaati.

2.  2. Mittu rosiisaanchi hasaawisannohe. Rosiisaanchikki Qullaawu Maxaafi xiinxallo yannara maa assinanniro kulannohe, hattono xaˈmo heedhuhero qolannohe.

3.  3. Atinna rosiisaanchikki xiinxallote dinye amaddinanni. Rosiisaanchikki ledo mittowa xaaddine, silketenni, viidiyotenni, woy borrote sokkanni xiinxalla dandiitinanni. Mitte hinge mitte saate geeshsha xiinxalla dandiinanni; kayi noohe yanna garinni hakkuyi woro woy hakkuyi ale xiinxalla dandiitinanni.

 Ee dandaatto. Balaxxe interneetete aana noo forme wonshi. Rosiisannohe manchi teessokkinni xaade hasaawisannohe woyite, balaxxe woˈnaalte laˈˈa hasiˈrattota kulisi. Hakkiinni, sase fooliishsho calla amaddinote Hegerera Hagiidhitanni Heeˈra Dandaatto! yitanno birosherenni xiinxallo hanaffinanni; hakko garinni tenne korse baxattoronna teˈee afa dandaatto.

 Dixixxiimbannihe. Yihowa Farciˈraasine mannaho Qullaawa Maxaafa rosiisa baxxanno; ikkirono, mitto manchono ammaˈnonke widira higi yite dixixxiibbanno. Hatteentenni, mittu mittunku manchi mayyee ammanannoro doodhate qoosso noosita anfoommo daafira, Qullaawu Maxaafi yaannore calla ayirrinyunni rosiinseemmo.—1 Pheexiroosi 3:15.

 Ee, Qullaawa Maxaafa baxoottoha horoonsiˈra dandaatto. Ninke taalo sokka amaddinotanna huwatate qarrissannokkita Haaro Alame Tiro yinannita Qullaawu Maxaafi tiro horoonsiˈra banxeemmoha ikkirono, duuchu manni kayi egenninota Qullaawu Maxaafi tiro horoonsiˈra doodhannota anfoommo.

 Ee dandaatto. Maatekki gudisse woy jaallakki koyisa dandaatto.

 Ee. Isinni xaa korsenke albitenni roore baxattota dihuluullammeemmo; mayira yiniro, xaati yannankera mannaho hasiisannore hende qixxeessinoonnite. Qoleno albitenni roore lowo viidiyo nootenna ateno beeqqaasincho assitannote.

 Ee. Hige rooriidi rosaano roore horo afidhannohu rosiisaanchu ledo xiinxalliturooti; ikkirono mitootu umi qara uminsanni xiinxalla doodhitanno. Qullaawa Maxaafa Xiinxallate Kaaˈlanno Uduunne yaanno qoolira, woxe baaxxittokkinni horoonsiˈra dandaattoha Qullaawu Maxaafi xiinxallora kaaˈlannoha addi addi uduunne kulloonni. Lawishshaho, konni woroonni kulloonni uduunni kaaˈlahera dandaanno:

•   Qullaawu Maxaafi Viidiyubba. Tini harammadda viidiyubba qara qara ikkinoha Qullaawu Maxaafi roso xawissanno.

•   Qullaawu Maxaafi Xaˈmonna Dawaro. Tini birxichuwa addi addite Qullaawu Maxaafi xaˈmuwara dawaro qoltanno.