Pe e Mafai e le Tiapolo Ona Pulea Tagata?

PLAY

Tali a le Tusi Paia

Ua matuā taaʻina e le Tiapolo ma temoni tagata. O le māfuaaga lea ua faapea mai ai le Tusi Paia: “O loo pulea e Lē o loo Leaga le lalolagi atoa.” (1 Ioane 5:19, New Century Version) Ua faailoa mai i le Tusi Paia auala e faaaogā e le Tiapolo e taaʻina ai tagata.

Taufaasesē. Ua faalaeiauina Kerisiano e le Tusi Paia ina ia “tau faasagatau i togafiti leaga a le tiapolo.” (Efeso 6:11, NCV ) O se tasi o ana togafiti o le faasesēina lea o manatu o tagata, ina ia talitonu o temoni o ni auauna a le Atua.—2 Korinito 11:13-15.
Faiga faaagaga. Ua taʻitaʻisesēina e le Tiapolo tagata e ala i le faaaogā o ē e saʻili i agaga, o ē e vavalo i mea e tutupu i le lumanaʻi, ma i latou e faia valovaloga faataulāitu pe saʻili i fetu. (Teuteronome 18:10-12) O le faaaogāina o fualaau faasāina, faasioa, ma le taofia ma le loto i ai o manatunatuga o le mafaufau, e mafai foʻi ona aafia ai tagata i faiga faatemoni.—Luka 11:24-26.
Lotu sesē. E faasesēina e lotu e aʻoaʻoina talitonuga sesē ia tagata ina ia lē usiusitaʻi i le Atua. (1 Korinito 10:20) Ua taʻua na talitonuga sesē i le Tusi Paia o “aʻoaʻoga a temoni.”—1 Timoteo 4:1.
Uluitinoina e temoni. Ua faamauina i le Tusi Paia tala e uiga i agaga leaga na pulea ni tagata. O isi taimi sa faapogaia e na agaga ia tagata na uluitinoina e temoni ina ia tauaso, pe gūgū, pe faamanuʻalia i latou lava.—Mataio 12:22; Mareko 5:2-5.

Auala e ʻalofia ai taaʻiga a le Tiapolo

E lē manaʻomia ona e fefe i le puleaina o oe e temoni, auā ua faaalia i le Tusi Paia auala e mafai ona e taulau ai i le tetee atu i le Tiapolo:

Ia mātau auala e faaaogā e le Tiapolo. O le faia faapea, e te lē ‘valea ai i ana togafiti.’—2 Korinito 2:11.
Ia aʻoaʻoina le poto saʻo mai i le Tusi Paia, ona faatatau lea o mea na e aʻoaʻoina. O le faatatauina o mataupu silisili o le Tusi Paia, o le a puipuia ai oe mai i taaʻiga a le Tiapolo.—Efeso 6:11-18.
Ia lafoaʻi so o se mea e fesootaʻi atu i faiga faatemoni. (Galuega 19:19) E aofia ai musika, tusi, mekasini, ata ma vitiō ia e faaauiluma ai faiga faaagaga.

Isi Mataupu e Maua Ai

Nofoaga o Agaga Taliina o Fesili Faale-Tusi Paia

E te Ono Fiafia Foʻi

ALA MAI!

O le ā le Aʻoaʻoga a le Tusi Paia i Faiga Faaagaga?

E ui e masalosalo le toʻatele e faatatau i faiga faataulāitu, ae e ese le manatu o le Tusi Paia. O le ā tonu le manatu o le Tusi Paia e faatatau i lea mataupu, ma aiseā?

UA FESILI MAI TALAVOU

Pe e Leaga Faafiafiaga e Iai Faiga Faataulāitu?

E toʻatele ua atiaʻe le naunau e saʻili i fetu, tagata e mimitiina toto o isi tagata, faataulāitu, ma tagata ua feoti ae toe feola mai o ni aitu. Pe e iai ni lamatiaga e tatau ona e mataala i ai?