Faataoto 25:1-28
25 O faataoto foʻi nei a Solomona+ na sii mai* e tagata o Esekia+ le tupu o Iuta:
2 O le mamalu o le Atua o le natia lea o se mataupu,+A o le mamalu o tupu o le suʻesuʻeina lea o se mataupu.
3 E pei o le lagi e maualuga ma le eleele e loloto,E faapea fo‘i loto o tupu, e lē masuʻesuʻeina ia.
4 Ia aveesea otaota mai i le silivaOna matuā mamā ai lea.+
5 Ia aveesea le tagata amioleaga mai i luma o le tupu,Ona matuā faatumauina ai lea o lona nofoālii i le amiotonu.+
6 Aua e te faamamaluina oe lava i luma o le tupu,+Ma aua foʻi e te tū i le mea o iai ē e taualoa,+
7 Auā e sili ona ia faapea atu iā te oe: “Inā sau ia i luga nei,”
Nai lo o le faamāina o oe i luma o se tamālii.+
8 Aua ne‘i e vavevave i le faia o se finauga faaletulafono,Auā o le ā lau mea e fai mulimuli ane pe a faamāina oe e lou tuaoi?+
9 Ia finau i lau mataupu ma lou tuaoi,+Ae aua e te faailoa mataupu faalilolilo na ta‘u atu iā te oe,*+
10 Ina neʻi faamāina oe e lē o loo faalogo maiMa lē mafai ai ona e toe faafoʻi mai lau faamatalaga leaga* na faasalalau.
11 O le upu e fai atu i le taimi tatau,Ua pei o apu auro i totonu o mea siliva ua togitogiina.+
12 O le tagata ua aʻoaʻi atu ma le atamai i taliga ua faalogo mai,Ua pei o le tautaliga auro ma le teuteu o auro lelei.+
13 E pei o le mālūlū o le kiona i le aso o le seleselega,E faapea foʻi le avefeʻau faamaoni i ē ua aauina atu o ia,Auā ua ia faafouina lona matai.*+
14 O le tagata ua gugutu i se meaalofa e na te le‘i foaʻiina atu lava,*+Ua pei o ao ma matagi e aunoa ma se timu.
15 O le onosaʻi e faaōleōle ai se taʻitaʻiʻau,Ma o le laulaufaiva to‘afilemu* e gau ai se ivi.+
16 Pe a e maua le meli, ia ʻai na o se mea e te mana‘omia,Auā afai e te soona ‘ai ai, e te puaʻi ai.+
17 Aua e te alu soo i le fale o lou tuaoi,Ina neʻi fiu o ia iā te oe ma ʻinoʻino ai iā te oe.
18 O le tagata e molimau pepelo faasaga i lona tuaoi,Ua pei o se uatogi o le taua, o se pelu, ma se aū maʻai.+
19 O le faatuatuaina o le tagata e lē faamoemoeina* i taimi o puapuaga,Ua pei o se nifo ua gau po o se vae ua tautevateva.
20 O le tagata pese ua usu pese i se loto ua mafatia,+Ua pei o sē ua toese lona ofu i le aso mālūlū,Ma ua pei o le vineta ua sasaa i le neteri.*
21 Afai e fia ʻai lou fili,* ia avatu iā te ia se meaʻai e ʻai ai;Afai e fia inu o ia, ia avatu i ai se vai e inu ai,+
22 Auā ua e faaputu ai malala ola i luga o lona ulu,*+Ma e tauia oe e Ieova.
23 O matagi mai i mātū e faapogaia ai timuga mamafa,Ma o le laulaufaiva faitala e faatupu ai le ita.+
24 E sili le nofo i le tulimanu o le taualuga,Nai lo o le nonofo ma se avā e faamisa* i le fale e tasi.+
25 O se lipoti lelei mai i se nuu mamao,Ua pei o se vai mālū i le tagata ua matuā vaivai.+
26 O se tagata amiotonu ua lolo atu i* sē e amioleaga,Ua pei o se vaipuna palapalā ma se vaieli ua faaleagaina.
27 E lē lelei le ʻai tele i le meli,+Pe saʻili e le tagata lona lava mamalu.+
28 O le tagata e na te lē pulea lona ita,*Ua pei o se aai ua osofaʻia, e aunoa ma se pā.+
Faamatalaga Pito i Lalo
^ Po o le “kopi ma tuufaatasia.”
^ Po o “mataupu faalilolilo a isi.”
^ Po o “sau tala taufaaleaga.”
^ Po o “le ola o lona matai.”
^ Epe., “i se meaalofa o le pepelo.”
^ Po o le “agamalu.”
^ Pe atonu “e taufaasesē.”
^ O se ituaiga o pauta e faaaogā e faamamā ai mea.
^ Epe., “lē e ʻinoʻino iā te oe.”
^ E faasino atu i le taumafai e suia uiga o le tagata ma faavaivaia lona lotomaaa.
^ Po o le “tomumu.”
^ Epe., “ua tautevateva i luma o.”
^ Po o le “e lē taofiofia lona loto.”
