Salamo 66:1-20
I le faatonu o le ʻaufaimusika. O le pese. O le salamo.
66 Le lalolagi uma e, inā alalaga ia i le Atua i le manumalo.+
2 Ia usu viiga* i lona suafa mamalu.
Ia avatu foʻi iā te ia le viiga mamalu.+
3 Ia fai atu i le Atua: “Maʻeu lava le ofoofogia o au galuega!+
Ona o le tele o lou mana,E gatete ai ou fili i ou luma.+
4 E ifo atu foʻi le lalolagi uma iā te oe;+E latou te usuina viiga iā te oe;E latou te usuina viiga i lou suafa.”+ (Selā)
5 Inā ō mai ia ma vaavaai i galuega a le Atua.
E ofoofogia lava mea na ia faia mo le fanau a tagata.+
6 Na ia liua le sami i le laueleele mātūtū;+Na latou sopoʻia le vaitafe i o latou vae.+
Na tatou olioli ai iā te ia i inā.+
7 O lona malosi e pule ai o ia e faavavau.+
E mataʻitū pea e ona fofoga atunuu.+
O ē e faauamaaa, e lē tatau ona faamaualuluga i latou.+ (Selā)
8 O outou nuu e, ia vivii atu i lo tatou Atua,+Ma ia lagona le leo o ona viiga.
9 Ua faasaoina e ia o matou ola;+Ua ia lē tuua o matou vae ia tautevateva.+
10 Auā ua e suʻesuʻeina i matou, le Atua e;+Ua e faamamāina i matou e pei ona faamamāina o siliva.
11 Ua e aumaia i matou i le upega a ē e tuli manu;Ua e faaee avega mamafa iā i matou.*
12 Ua e faatiʻetiʻe le tagata i luga o i matou;*Na matou ui mai i le afi ma le vai;Ona e aumaia lea o i matou i le nofoaga e mapu ai.
13 Ou te alu atu i lou fale ma taulaga mū;+Ou te totogi atu iā te oe aʻu tautoga+
14 Na folafola atu e oʻu laugutu+Ma tautala ai loʻu gutu ina ua ou puapuagatia.
15 Ou te ofoina atu iā te oe o taulaga mū o manu pepeti,Ma le asu o taulaga o mamoe po‘a.
Ou te ofoina atu foʻi povi poʻa faatasi ai ma ʻoti poʻa. (Selā)
16 O outou uma o ē e matataʻu i le Atua, inā ō mai ia ma faalogo mai,Ona ou faamatala atu lea o mea na ia faia mo aʻu.+
17 Na ou valaau atu iā te ia i loʻu gutu,Ma faamamaluina o ia i loʻu laulaufaiva.
18 Pe ana ou teuloto se mea e tigā ai,E lē faafofoga mai Ieova iā te aʻu.+
19 Ae na faafofoga mai le Atua;+Na liuliualo mai foʻi o ia i laʻu tatalo.+
20 Ia viia le Atua, auā e na te leʻi teena laʻu tatalo,Pe taofia lona alofa faamaoni mai iā te aʻu.
Faamatalaga Pito i Lalo
^ Po o le “Ia tā ma usuina pese.”
^ Epe., “i o matou suilapalapa.”
^ Epe., “o matou ulu.”
