Çfarë thotë Bibla?
A e ka bërë njeriu fenë?
DISA MENDOJNË se feja është shpikje e njeriut; të tjerë mendojnë se Zoti e përdor fenë që t’i ndihmojë njerëzit t’i afrohen atij. Po ti, si mendon?
BIBLA THOTË:
Ka një ‘fe të pastër dhe pa njollë përpara Perëndisë dhe Atit’. (Jakovi 1:27, Diodati i Ri) Feja e pastër, ose e vërtetë, vjen nga Zoti.
Ç’MËSOJMË TJETËR NGA BIBLA?
Që feja t’i pëlqejë Perëndisë, duhet të bazohet në të vërtetën e Biblës.—Gjoni 4:23, 24.
Fetë e bazuara në ide njerëzore janë të kota.—Marku 7:7, 8.
A duhet t’i përkasësh një feje?
SI MENDON?
Po
Jo
Varet
BIBLA THOTË:
«Le të interesohemi për njëri-tjetrin, që të nxitemi për dashuri dhe vepra të shkëlqyera, pa braktisur mbledhjet tona.» (Hebrenjve 10:24, 25) Zoti do që adhuruesit e tij të mblidhen bashkë si grup i organizuar.
Ç’MËSOJMË TJETËR NGA BIBLA?
Ata që adhurojnë Zotin së bashku, duhet të kenë të njëjtin besim.—1 Korintasve 1:10, 11.
Pjesëtarët e fesë që miraton Perëndia, formojnë një vëllazëri mbarëbotërore.—1 Pjetrit 2:17.