Një motër izolon tubat e impiantit të ngrohjes në dhomën e bolierëve.

Në dhomat e zhveshjes, punëtorë veshin me pllaka muret e dusheve.

Një vëlla instalon rrjetin e rrufepritëseve si pjesë e sistemit të tokëzimit. Ky sistem ka për qëllim të mbrojë ndërtesën nga goditjet e rrufeve. Vëllai punon i sigurt, i kapur me një litar të fiksuar në tarracë.

Vullnetarë po bëjnë gati xhamat që të vendosin letra ngjitëse. Këto letra i bëjnë vetratat e mëdha të xhamit më të dukshme, kështu që njerëzit nuk rrezikojnë të përplasen.

Me ndihmën e një kamerë, një motër e skuadrës së Kantierit po kontrollon që tubacionet e sapo instaluara të mos kenë bllokime dhe të jenë gati për t’u vënë në punë.

Marangozë po montojnë panele druri në muret e sallës shumëfunksionale, e cila do të përdoret si sallë ngrënieje dhe si sallë mbledhjesh. Gjithashtu do të përdoret edhe për raste të veçanta.

Kopshtarë mbjellin një rresht me bimë të vendit në një nga muret mbajtëse.

Punëtorë të skuadrës së Fasadës vendosin fletë xhami për të formuar ballkone të stilit francez të quajtura ballkone Xhuliet. Ato shërbejnë si mbrojtëse por nuk e pengojnë dritën dhe ajrin.

Dy motra po instalojnë ndriçimin jashtë hyrjes së recepsionit.

Duke përdorur pajisje prerëse, një vëlla i skuadrës Mekanike po pret tuba ajrimi sipas përmasave të caktuara.

Vullnetarë të skuadrës së Kantierit mbjellin pemë dhe hapin rrugët e kalimit. Në të majtë gjendet godina shumëfunksionale që do të shërbejë si sallë ngrënieje, sallë mbledhjesh dhe sallë për raste të ndryshme. Në sfond duket godina e banimit A.

Një inxhinier monton pjesë të impiantit për fikjen e zjarrit.

Punëtorët e kopshtit përgatitin tokën që ta mbjellin me bar. Në sfond, vullnetarët lajnë dritaret e zyrave duke përdorur mjete të veçanta.

Skuadra e Finiturës nivelon dyshemenë duke vendosur një përzierje dhe pastaj, përdorin shpatullën që të shtrohet sa më mirë. Në fund përdorin rula të posaçëm për të hequr flluskat e ajrit.

Punëtorë të skuadrës së Finiturës vendosin shtresë gome në dyshemenë e sallës shumëfunksionale, që do të shërbejë si sallë ngrënieje, sallë mbledhjesh dhe sallë për raste të ndryshme. Në fund të sallës, ku do të vendoset edhe podiumi, janë montuar ekrane në panele akustike.

Një marangoz monton mobiliet në dhomën e grimit, ngjitur me studion, që do të përdoret nga aktorët.

Marangozë montojnë shina ku do të vendosen muret e çmontueshme të zyrave. Kështu repartet mund të ndryshojnë kollaj mënyrën e organizimit të zyrave.

Një kontraktues bashkon struktura metalike që do të vendosen në studio. Këto struktura shërbejnë për të varur ndriçimin dhe kamerat gjatë xhirimeve.

Pamje ajrore nga veriu. Në të majtë duken godinat e përfunduara të banimit B, C, D, E dhe F. Në qendër, godina e banimit A është thuajse në përfundim dhe godina e zyrave tashmë ka përfunduar. Në të djathtë, godina e punëtorive të mirëmbajtjes dhe godina e studiove video janë pothuajse të përfunduara. Ndërkohë vazhdojnë punimet e jashtme në gjithë hapësirat përreth godinave.

Vëllezër shtrojnë me pllaka guri verandën pas recepsionit. Tendat në sfond shërbejnë për të mbrojtur vullnetarët nga dielli ndërsa pastrojnë pllakat e sapo shtruara.