15 GUSHT 2019
POLONI
Varshavë, Poloni—Kongresi ndërkombëtar «Dashuria nuk shuhet kurrë»!
Datat: 9-11 gusht 2019
Vendet: Municipal Stadium of Legia Warsaw dhe Torwar Hall, në Varshavë, Poloni
Gjuhët: angleze, polake
Maksimumi i të pranishmëve: 32.069
Numri i të pagëzuarve: 190
Numri i delegatëve ndërkombëtarë: 6.892
Degët e ftuara: Ekuador, Evropa Qendrore, Finlandë, Francë, Gjeorgji, Hungari, Japoni, Kili, Kore, Moldavi, Rumani, Shtetet e Bashkuara, Ukrainë
Komente pozitive: Z. Kamil Kazmirkiveç, menaxher i përgjithshëm i Four Points Sheraton Warsaw Mokotów (një nga hotelet ku ndenjën delegatët), shkroi këtë koment: «Ishte kënaqësi të bashkëpunoja me ju. Do të doja të kisha mysafirë të tjerë po kaq të mirë dhe pozitivë. Binte goxha në sy lidhja e ngushtë dhe uniteti mes jush. . . . U heq kapelen për mënyrën e përsosur të organizimit.»
Z. Kamil Lubanski, pronari i kompanisë KL Team që siguroi transportin me autobus, tregoi diçka të ngjashme: «Që kur filluam të punonim me Dëshmitarët e Jehovait, dallova që bashkëpunimi me ta do të ishte i këndshëm. Janë goxha të organizuar dhe profesionistë. Ky event i stërmadh ishte planifikuar fill e për pe. Kompania jonë ka pasur privilegjin të mbështetë plot evente prestigjoze dhe qeveritare, të organizuara në nivel kombëtar dhe evropian, ama të gjesh një klient kaq të përgatitur dhe të organizuar është gjë e rrallë. Si përfundim, shoferët dhe stafi ynë kanë vetëm komente pozitive për Dëshmitarët e Jehovait. Shpresojmë të bashkëpunojmë prapë në të ardhmen.»
Në aeroport duke mirëpritur delegatët me ngrohtësi
Duke hyrë në stadium të premten në mëngjes
Pamje nga lart e Municipal Stadium of Legia Warsaw, një nga vendet ku u mbajt kongresi
Vëlla Gerrit Lëshi, anëtar i Trupit Udhëheqës, teksa mban fjalimin e fundit të premten
Tre nga vëllezërit e motrat që u pagëzuan të shtunën
Vëllezër dhe motra duke dëgjuar programin me vëmendje
Delegatët me veshje popullore bëjnë foto jashtë stadiumit
Shërbëtorë specialë në kohë të plotë nga vende të tjera këndojnë këngën e fundit bashkë me auditorin
Disa motra të reja këndojnë gjatë një shfaqjeje për delegatët
Vëllezër dhe motra duke kërcyer një valle popullore të Polonisë gjatë një shfaqjeje për delegatët