Dutheronomi 32:1-52
32 “Lalelani nine mazulu, mine ngikhulume,Nemhlaba awulalele emavi lengitawasho.
2 Sicondziso sami sitakwehla njengemvula;Emavi ami atfontse njengematolo,Abe njengemvula lemelula leyehlela etikwetjaniNanjengemvula lenkhulu leyehlela etikwetitjalo.
3 Ngobe ngitalimemetela libito laJehova.+
Ngikhulume nangebukhulu baNkulunkulu wetfu!+
4 ULidvwala, imisebenti yakhe iphelele,+Ngobe tonkhe tindlela takhe tilungile.+
UnguNkulunkulu lowetsembekile,+ longeke ente tintfo letingakalungi;+Yena ulungile futsi ucotfo.+
5 Ngibo labente ngekukhohlakala.+
Abasibo bantfwana bakhe, futsi liphutsa likubo.+
Basitukulwane lesigwegwile nalesonakele!+
6 Ngulena yini indlela lokufanele nimphatse ngayo Jehova,+Nine bantfu labalibele futsi labangakahlakaniphi?+
Akasuye yini Babe wenu lowanenta naba khona,+Loyo lowanidala waphindze wanenta nacina?
7 Khumbulani emalanga asendvulo;Cabangani ngeminyaka yetitukulwane lesetendlulile.
Butani babe wenu, futsi utanitjela;+Nibute nemadvodza lamadzala, nawo atanichazela.
8 Ngesikhatsi Losetikwako Konkhe aniketa tive lifa lato,+Ehlukanisa emadvodzana a-Adamu,*+Wabekela bantfu imincele+Acabangela linani lemadvodzana a-Israyeli.+
9 Ngobe bantfu baJehova basabelo sakhe;+NaJakobe ulifa lakhe.+
10 Nkulunkulu wamtfola eveni lelilihlane,+Nasehlane lelingenalutfo nalelikalashameshame.+
Wamtungeletela kuze amvikele, futsi wamnakekela,+Wamvikela njengenhlavu yeliso lakhe.+
11 Njengobe nje lusoti lunyakatisa sidleke salo,Lundize etikwemazini alo,Luvule timphiko, luwatsatse,Futsi luwetfwale ngato,+
12 Jehova nguye kuphela lowachubeka amhola;*+Kute lomunye nkulunkulu lobekakanye naye.+
13 Wamenta wahamba etindzaweni letiphakeme temhlaba,+Kuze adle umkhicito wemhlaba.+
Wamondla ngeluju loluvela edvwaleniNangemafutsa labephuma edvwaleni lelicinile,
14 Wamondla ngabhotela lovela emhlambini wetinkhomo, ngelubisi lwemhlambi wetimvu newetimbuti,Ngetimvu telikhetselo,*Ngetimvu letindvuna taseBhashani, ngetimbuti letindvuna,Kanye nangakolo locolisakele;+Waphindze wanatsa neliwayini lelentiwe ngemagilebisi.
15 Ngesikhatsi Jeshuruni* asakhuluphele, wabese uyavukela.
Awu Jeshuruni, sewukhuluphele waba mkhulu, futsi wesutsa kakhulu.+
Ngako Jeshuruni wamshiya Nkulunkulu, lowamdala,+Waledzelela Lidvwala lensindziso yakhe.
16 Bamtfukutselisa ngekukhonta labanye bonkulunkulu;+Bebamcansula ngetintfo letenyanyekako.+
17 Bebentela emadimoni imihlatjelo, bangenteli Nkulunkulu,+Bentela bonkulunkulu labangabati,Nalebebasandza kuvela,Lokubonkulunkulu bokhokho benu lebebangabati.
18 Nalikhohlwa Lidvwala+ lebelingubabe wenu,Namkhohlwa Nkulunkulu lowanitala.+
19 Ngesikhatsi Jehova akubona loku, wabalahla+Ngobe emadvodzana nemadvodzakati akhe abemcansula.
20 Ngako watsi: ‘Ngitabafihlela buso bami;+Ngibone nekutsi kutawukwentekani kubo.
Ngobe basitukulwane lesingakalungi,+Bangemadvodzana langaketsembeki.+
21 Bangitfukutselise* ngentfo lengasiye nkulunkulu;+Bangicansula ngetithico tabo letingenamsebenti.+
Ngako nami ngitawubenta babe nesikhwele ngebantfu labangasiso sive;+Ngibacansule ngesive lesilibele.+
22 Ngobe intfukutselo yami seyivutsa umlilo+Lotawushisa uze uyewufika phansi eThuneni,*+Itawucotfula umhlaba nemkhicito wawoIphindze ishise netisekelo tetintsaba.
23 Ngitawutandzisa tinhlekelele tabo;Nebutjoki bami ngitabusebentisa kubo.
24 Batawuphelelwa ngemandla ngenca yendlala+Bacedvwe ngumkhuhlane lomatima kanye nembhubhiso lebuhlungu.+
Ngitawutfumela tilwane kutsi tibahlasele,+Ngitfumele nesihlungu setinyoka.*
25 Ngephandle, inkemba itawubaletsela lusizi;+Ngekhatsi kube nekwesaba lokukhulu+Ejaheni nasentfombini,Eluswaneni nasendvodzeni lemphunga enhloko.+
26 Bengitawutsi: “Ngitawubasakata;Ngente kutsi bangasakhunjulwa emkhatsini webantfu,”
27 Kube bekungasiko kutsi ngesaba loko lokutakwentiwa titsa,+Ngobe letitsa tingasuke tikutsatse kabi loku.+
Tingase titsi: “Sincobe ngemandla etfu;Akusuye Jehova lowente konkhe loku.”+
28 Ngobe basive lesingenangcondvo,*Futsi kute nekucondza emkhatsini wabo.+
29 Kube mane bebahlakaniphile!+ Bebatawucabangisisa ngaloku.+
Bebatawucabanga ngaloko lokutawubehlela.+
30 Umuntfu munye angabacosha njani labangu-1 000,Nalababili bangabacosha njani labangu-10 000?+
Ngaphandle-ke nangabe Lidvwala labo libatsengisile+NaJehova anikele ngabo.
31 Ngobe lidvwala labo alifani neLidvwala letfu,+Ngisho netitsa tetfu setiyakwati loku.+
32 Tihlahla tabo temagilebisi tibuya eSodomaNasemasimini aseGomora.+
Emagilebisi abo anashevu,Netikhehle tawo tiyababa.+
33 Liwayini labo lisihlungu setinyoka,Libutsi lobubi betimfeti.
34 Konkhe loku ngikuvale ngeluphawuFutsi ngakugcina encolobaneni yami.+
35 Kuphindzisela kwami, futsi ngimi lotawukhipha sijeziso+Ngesikhatsi lesibekiwe, lapho lunyawo lwabo lushelela,+Ngobe lilanga lenhlekelele yabo selisedvute,Futsi loko lokubalindzele kutawufika ngekushesha.’
36 Ngobe Jehova utawehlulela bantfu bakhe,+Futsi utawutivela* tinceku takhe+Nasekabona kutsi emandla ato asanciphile,Asabona nekutsi sekusele kuphela labo labete longabasita futsi lababutsakatsaka.
37 Ngemuva kwaloko utawutsi: ‘Baphi bonkulunkulu babo,+Lidvwala lebebatsembele kulo,
38 Bonkulunkulu lebebadla emanoni emihlatjelo yabo,*Banatsa neliwayini leminikelo yabo yalokunatfwako?+
Abavuke futsi banisite.
Ababe yindzawo lenitawuphephela kuyo.
39 Nyalo yatini kutsi mine Nginguye,+Futsi kute lomunye Nkulunkulu ngaphandle kwami.+
Ngiyabulala, ngiphindze ngiphilise.+
Ngiyalimata,+ futsi ngitawupholisa.+Kute longakhulula lutfo esandleni sami.+
40 Ngobe ngiphakamisela sandla sami ezulwini,Ngifunge ngitsi: “Ngifunga ngekuphila kwami lokuhlala kuze kube phakadze,”+
41 Nangingalota inkemba yami lemanyatelako,Ngilungise nesandla sami kuze ngehlulele,+Ngitawuphindzisela etitseni tami,+Ngijezise labo labangenyanyako.
42 Ngitawukwenta butjoki bami budzakwe yingati,Nenkemba yami idle inyama,Itawudzakwa yingati yalabo lababulewe nalabatfunjiwe,Idle tinhloko talabo labahola sitsa sami.’
43 Jabulani nine tive nebantfu bakhe,+Ngobe utawuphindzisela ngenca yengati yetinceku takhe,+Aphindzisele nasetitseni takhe+Utawuphindze ente nekutsi live lebantfu bakhe libuyisane naye.”*
44 Ngako Mosi weta, futsi yena naHosheya*+ indvodzana yaNuni bawasho onkhe emavi alengoma kulabantfu.+
45 Mosi nasacedzile kukhuluma onkhe lamavi kuwo onkhe ema-Israyeli,
46 watsi kuwo: “Wagcineni etinhlitiyweni tenu onkhe lamavi lenginecwayisa ngawo lamuhla,+ kuze nitjele emadvodzana enu kutsi kufanele aciniseke kutsi awagcina onkhe emavi aloMtsetfo.+
47 Ngobe lelivi alisilo lite kini, kodvwa lisho kuphila,+ futsi ngalo nitawuphila sikhatsi lesidze kulelive lenewela iJordane kuyewulitsatsa.”
48 Ngalo lelolanga, Jehova wakhuluma naMosi watsi:
49 “Khuphukela kulentsaba yase-Abarimu,+ lokuyiNtsaba iNebo+ leseveni lakaMowabi, futsi lebukene neJerikho, ufike ubuke live laseKhenani, lelo lengilinika ema-Israyeli kutsi libe ngelawo.+
50 Ngemuva kwaloko utawufela kulentsaba lokhuphukela kuyo, futsi ungcwatjwe njengabo bonkhe bantfu bakini,* njengobe nje na-Aroni umnakenu afela eNtsabeni iHori,+ wangcwatjwa njengabo bonkhe bantfu bakubo,
51 ngobe nine nobabili anizange netsembeke kimi emkhatsini wema-Israyeli emantini aseMeribha+ leseKhadeshi, ehlane laseZini. Anizange ningingcwelise embikwebantfu baka-Israyeli.+
52 Lelive lengitalinika ema-Israyeli utalibonela khashane, kodvwa ngeke ungene kulo.”+
Imibhalo lengentansi
^ Kungaphindze kubekwe ngekutsi, “ebantfu.”
^ Lokusho, Jakobe.
^ NgesiHebheru kutsi, “Ngemanoni etimvu.”
^ Lokusho kutsi “Loyo Locotfo.” Lesi sicu sekuhlonipha Israyeli.
^ Nobe “Bangente ngaba nesikhwele.”
^ Nobe “eShiyoli,” lokusho lithuna lebantfu. Fundza Tinchazelo Temagama.
^ Nobe “setilwane letihumako.”
^ Kungaphindze kubekwe ngekutsi, “lesingasilaleli seluleko.”
^ Nobe “utawutisola ngenca.”
^ Nobe “lebebadla imihlatjelo yabo lencono.”
^ Nobe “lihlanjululwe.”
^ Leli libito lekucala laJoshuwa. Lelibito lelitsi Hosheya yindlela yekufishanisa libito lelitsi Hoshayiya, lokusho kutsi “Losindziswe NguJehova; Jehova Usindzisile.”
^ NgesiHebheru kutsi, “ubutselwe kubantfu bakini.”
