Tihlabelelo 89:1-52
Imaskili* ya-Ethani+ umZera.
89 Ngitawuhlabela kuze kube phakadze mayelana nendlela Jehova lakhombisa ngayo lutsandvo lolucotfo.
Ngitawucocela tonkhe titukulwane ngekwetsembeka kwakho.
2 Ngobe mine ngitsite: “Lutsandvo lwakho lolucotfo lutawuhlala lukhona kuze kube phakadze,+Futsi wente kutsi kwetsembeka kwakho kuhlale kukhona emazulwini.”
3 Wena utsite: “Ngente sivumelwane naloyo lengimkhetsile;+Ngifungile kuDavide inceku yami ngatsi:+
4 ‘Intalelwane yakho ngitayenta ihlale kuze kube phakadze,+Ngitawenta kutsi sihlalo sakho sebukhosi sihlale sikhona kuto tonkhe titukulwane.’”+ (Sela)
5 Awu Jehova, emazulu atawukhuluma ngetento takho letimangalisako,Nelibandla lalabangcwele likhulume ngekwetsembeka kwakho.
6 Ngubani nje emazulwini longafananiswa naJehova?+
Ngubani emadvodzaneni aNkulunkulu+ lofanana naJehova?
7 Nkulunkulu uyahlonishwa ebandleni lalabangcwele;+Mkhulu futsi uyesabeka kubo bonkhe labamtungeletile.+
8 Awu Jehova Nkulunkulu wemabutfo,Ngubani nje lonemandla njengawe Jehova?+
Wena wetsembekile kuko konkhe lokwentako.+
9 Ulawula lwandle lolutfukutsele;+Nakwenteka emagagasi alo aphakama, wena uyawehlisa.+
10 Uncobe Rahabi*+ futsi wambulala.+
Titsa takho utisakate ngemandla akho.+
11 Emazulu ngewakho, nemhlaba ngewakho;+Wadala umhlaba nako konkhe lokugcwele kuwo.+
12 Wadala inyakatfo neningizimu;INtsaba iThabori+ neNtsaba iHemoni+ kudvumisa libito lakho kujabulile.
13 Umkhono wakho unemandla;+Sandla sakho sinemandla;+Sandla sakho sangesekudla siphakanyisiwe.+
14 Kulunga kanye nekwehlulela ngekungakhetsi kusisekelo sesihlalo sakho sebukhosi;+Lutsandvo lolucotfo nekwetsembeka kusembikwakho.+
15 Bayajabula bantfu labakudvumisa batfokotile.+
Awu Jehova, bayachubeka bahamba nawe futsi wena ubentela umusa.*
16 Bahlale bajatjuliswa libito lakho,Futsi baphakanyiswe ngenca yekulunga kwakho.
17 Wena ubenta bakhatimule futsi ubanika emandla,+Emandla etfu ayakhula ngobe wena uyasemukela.+
18 Jehova usinike sihlangu setfu,Inkhosi yetfu ivela kuLongcwele waka-Israyeli.+
19 Ngaleso sikhatsi wena wakhuluma nalabangcwele bakho embonweni watsi:
“Ngimcinisile lonemandla;+Ngimphakamisile loyo lokhetfwe emkhatsini webantfu.+
20 Ngimtfolile Davide inceku yami;+Ngamgcoba ngemafutsa ami langcwele.+
21 Ngitamsekela ngesandla sami,+Futsi ngimcinise ngemandla ami.
22 Kute sitsa lesitamcindzetela,Futsi angeke ahlushwe ngumuntfu lomubi.+
23 Titsa takhe ngitatiphihlita embikwakhe tibe ticucu+Futsi ngibulale labo labamenyanyako.+
24 Ngitawetsembeka kuye futsi ngimtsandze,*+Ngitamenta abe nemandla lamakhulu ngenca yelibito lami.
25 Ngitamenta abe neligunya etikwelwandleNgente kutsi sandla sakhe sangesekudla sibe neligunya etikwemifula.+
26 Yena utangibita atsi: ‘Wena unguBabe,UnguNkulunkulu wami futsi uLidvwala lensindziso yami.’+
27 Ngitamenta abe litibulo,+Ngimente abe yinkhosi lephakeme kunawo onkhe emhlabeni.+
28 Ngitamentela umusa* kuze kube phakadze,+Nesivumelwane lengisente naye sitawuhlale sikhona.+
29 Bantfwana bakhe ngitawubenta bahlale kuze kube phakadzeFutsi ngente sihlalo sakhe sebukhosi sihlale sikhona njengemazulu.+
30 Nangabe emadvodzana akhe angasawulaleli umtsetfo wamiFutsi angasatilandzeli tincumo tami,
31 Nangabe angasatigcini timiso tamiFutsi angasayilaleli imiyalo yami,
32 Mine ngitawubese ngiwashaya ngemzaca ngenca yekungalaleli kwawo,+Ngiwashayele tono tawo.
33 Kodvwa yena ngitawuhlale ngimentela umusa*+Futsi ngitasigcina setsembiso sami.
34 Ngeke ngisephule sivumelwane sami+Nobe ngishintje loko lengikushito.+
35 Njengobe ngingcwele, ngifunga kube kanye nje;Kutsi angeke ngikhulume emanga kuDavide.+
36 Bantfwana bakhe batawuhlala phakadze;+Nesihlalo sakhe sebukhosi sitawuhlala sikhona embikwami njengelilanga.+
37 Sitawuhlala sikhona phakadzeNjengobe nje nenyanga ihlala ikhona* esibhakabhakeni.” (Sela)
38 Kodvwa wena umlahlile futsi wamala;+Umtfukutselele logcotjiwe wakho.
39 Usishiyile sivumelwane losente nenceku yakho;Umchele wakhe wawutsela ngelihlazo ngekuwulahlela phansi.
40 Udzilite tonkhe tindvonga takhe letakhiwe ngematje;Wenta tindzawo takhe letivikelekile taba tindzala.
41 Bonkhe labendlulako bamebele tintfo takhe;Bomakhelwane bakhe bamkhuluma kabi.+
42 Wente titsa takhe tancoba;+Wenta bonkhe labamenyanyako bajabula.
43 Wente nekutsi inkemba yakhe ingamsiti,Futsi wamenta wangaphumeleli emphini.
44 Ubucedzile bukhatikhati bakheFutsi wasilahlela phansi sihlalo sakhe sebukhosi.
45 Umente waguga asemncane;Wamtsela ngelihlazo. (Sela)
46 Awu Jehova, kutawuze kube ngunini utifihlile? Kutawuze kube phakadze yini?+
Intfukutselo yakho itawuchubeka yini ivutsa njengemlilo?
47 Khumbula kutsi kuphila kwami kufishane kangakanani.+
Wabadalela lite yini bantfu?
48 Ukhona yini umuntfu longaphila angafi?+
Angatisindzisa yini emandleni eliThuna?* (Sela)
49 Awu Jehova, setishonephi tento takho temusa* takadzeni,Lowafunga kutsi utawutentela Davide, njengobe wetsembekile?+
50 Awu Jehova, khumbula tinhlamba lokwetfukwa ngato tinceku takho;Nendlela lokufanele ngetfwale ngayo tinhlamba letiphuma kubo bonkhe bantfu;
51 Ukhumbule indlela titsa takho Jehova lebetetfuka ngayo;Nendlela letimetfuke ngayo logcotjiwe wakho kuko konkhe lakwentako.
52 Shengatsi Jehova angadvunyiswa phakadze. Amen, yebo Amen.+
Imibhalo lengentansi
^ Fundza Tinchazelo Temagama.
^ Kungenteka kusho iGibhithe nobe Faro.
^ NgesiHebheru kutsi, “bahamba ekukhanyeni kwebuso bakho.”
^ Nobe “lutsandvo lolucotfo.”
^ Nobe “lutsandvo lolucotfo.”
^ Nobe “lutsandvo lolucotfo.”
^ NgesiHebheru kutsi, “ingufakazi lowetsembekile.”
^ NgesiHebheru kutsi, “sandla seShiyoli,” lokusho lithuna lebantfu. Fundza Tinchazelo Temagama.
^ Nobe “lutsandvo lolucotfo.”