U ka etsa’ng hore u fumane molemo ha u ithuta bukana ee?
Kopa motho e mong hore a u rute: Kopa motho ea u fileng bukana ena hore a tl’o ithuta le uena kapa u tlatse kopo websaeteng ea rona ea jw.org/st.
KAROLO EA PELE
Bala serapa se seng le se seng, ho akarelletsa le lipotso tse ngotsoeng ka mongolo o motenya (A) le mangolo (B) a hatisang lintlha tsa bohlokoa. Sheba mangolo a ngotsoeng “bala” ’me u a bale.
KAROLO E MAHARENG
Tlhaloso e qalang e hlahang (C) tlas’a Ithute Lintlha Tse Ling e hlalosa se tla latela. Lihloohoana (D) li hatisa lintlha tsa bohlokoa. Bala mangolo, araba lipotso ebe u shebella livideo (E).
Sheba litšoantšo le litlhaloso tsa teng (F), le ho nahana hore na u tla arabela joang karolong e reng Batho ba Bang ba Re (G).
KAROLO EA HO QETELA
Kakaretso le Re Ithutile’ng? (H) li qetella khaolo. Ngola hore na le qetile khaolo neng. Karolo ea Seo U ka se Etsang (I) e u thusa hore u tsoele pele u ithuta. Batla (J) e na le lintlha tse eketsehileng tseo u ka li balang kapa oa li shebella.
U ka fumana mangolo a Bibele a bontšitsoeng joang?
Mangolo a bontšitsoe ho ea ka buka ea Bibele (A), khaolo (B), le temana kapa litemana (C). Ka mohlala, Johanne 17:3 e bolela buka ea Johanne, khaolo ea 17, temana ea 3.
Mohlomong u ka Rata le
LIPOTSO TSE BOTSOANG HANGATA
Lenaneo la ho Ithuta Bibele le Lipaki Tsa Jehova
Ha u ithuta bukana ena ea U ka Thaba ka ho sa Feleng! u ka sebelisa Bibele e ’ngoe le e ’ngoe eo u nang le eona. U ka mema ba lelapa le metsoalle.
