Bala u be u utloisise hantle taba eo u tl’o bua ka eona. Utloisisa taba eo u tl’o bua ka eona hantle e le hore u ka e hlalosa habonolo ka mantsoe a hao.

Bua lipolelo tse khutšoanyane. Le hoja e se phoso ho etsa lipolelo tse telele, ha u hatisa lintlha tsa sehlooho sebelisa lipolelo tse khutšoanyane le tse tobang taba.

Hlalosa mantsoe a thata. Qoba ho sebelisa mantsoe ao bamameli ba sa a tsebeng. Haeba u lokela ho sebelisa lentsoe le itseng le sa tloaelehang, lebitso la motho ea ka Bibeleng ea sa tsebahaleng kapa mekhoa le litloaelo tsa mehleng ea khale, u lokela ho li hlalosa.