Aprili 3, 2021, Biblia Takatifu—Tafsiri ya Ulimwengu Mpya iliyochapishwa na iliyo katika mfumo wa kidijitali ilitolewa katika Kikambodia. Programu hiyo ilirekodiwa mapema na kupeperushwa kwa makutaniko na vikundi vyote nchini Kambodia. Ndugu Kenji Chichii, mshiriki wa Halmashauri ya Tawi ya Japani, a alitangaza kutolewa kwa Biblia hiyo.

Watu milioni 16 hivi huzungumza Kikambodia. Zaidi ya wahubiri 1,100 hivi wanahubiri katika lugha ya Kikambodia.

Ndugu Masahiro Harada, mshiriki wa Halmashauri ya Tawi ya Japani alisema hivi: “Tunaamini kwamba tafsiri hii itawasaidia wasomaji kuona sifa za Mungu, kama vile upendo, huruma, na rehema. Tunatumaini kwamba tafsiri hii itawavuta watu wa Kambodia wenye mioyo minyoofu wamkaribie na kumsifu Yehova.”

Vikundi viwili vya watafsiri sita vilishirikiana kwa miaka minne ili kukamilisha mradi huo. Mtafsiri mmoja alisema hivi: “Biblia hiyo mpya haitumii maneno ya zamani. Inagusa moyo wangu upesi sana. Zaburi 139:17 inaelezea hisia zangu: “Kwangu mimi, mawazo yako ni yenye thamani sana!”

Mtafsiri mwingine anasema hivi: “Nina uhakika kwamba akina ndugu watakaposoma Biblia hii mpya watamkaribia Yehova zaidi. Itawasaidia kuhisi upendo wa Yehova wanapokuwa wapweke. Watajihisi salama wanapokabili hatari. Watapata amani wanapokabili mahangaiko. Na watafarijika wanapokabili majaribu.”

Tuna uhakika kwamba tafsiri hii itawasaidia wengine wengi waje kumjua Muumba wao Mkuu, Yehova, na kumpa heshima na utukufu ambao anastahili.—Ufunuo 4:11.