Juni 27, 2021, Ndugu Adão Costa, mshiriki wa Halmashauri ya Tawi la Msumbiji alitoa Tafsiri ya Ulimwengu Mpya ya Maandiko ya Kigiriki ya Kikristo katika Kinyungwe. Biblia ilitolewa katika mfumo wa kielektroni katika programu iliyorekodiwa awali ambayo wahubiri zaidi ya 2,600 waliitazama. Programu hiyo ilipeperushwa pia kwenye kituo cha televisheni na vituo kadhaa vya redio.

• Kinyungwe kinazungumzwa sana na watu wanaoishi kusini-magharibi mwa Msumbiji katika mkoa wa Tete

• Inakadiriwa kwamba watu 400,000 hivi huzungumza Kinyungwe

• Watafsiri 6 walitumia muda wa miaka 2 ili kukamilisha tafsiri hiyo

Ndugu Costa anasema hivi: “Kwa miaka mingi, hakukuwa na Biblia katika Kinyungwe. Kwa hiyo ndugu zetu wanaozungumza Kinyungwe walitumia tafsiri ya lugha ya Chichewa. Jambo hili lilitokeza changamoto nyingi kwa sababu maneno mengi katika lugha ya Chichewa yalieleweka kwa njia nyingine.”

Kabla Biblia hii itolewe, mtafsiri mmoja alisema hivi: “Wahubiri watashangilia sana watakapoona Biblia hii. Watahisi kana kwamba ndoto yao imetimia, na ni muujiza kutoka kwa Yehova. Watamshukuru Yehova sana.”

Tunasali kwamba Biblia hii iwasaidie wengine wengi wenye mioyo minyoofu ili wafaidike na ujumbe wake.—Ufunuo 22:17.