Kama ilivyoripotiwa awali, Machi 9, 2023, mwanamume mmoja alishambulia kutaniko la Hamburg-Winterhude baada tu ya mikutano ya katikati ya juma kwisha. Mwanamume huyo aliwaua ndugu na dada kadhaa na kuwajeruhi wengine, na aliacha tu mashambulizi hayo maofisa wa polisi walipoingia kwenye Jumba la Ufalme, kisha akajiua. Mashahidi wa Yehova nchini Ujerumani na ulimwenguni pote wanathamini sana fadhili, upendo, na huruma ambayo wameonyeshwa na maofisa mbalimbali, mashirika, na watu kutoka sehemu mbalimbali ulimwenguni.

• Kwa kusikitisha, ndugu 4, dada 2, na mtoto ambaye hajazaliwa wa dada aliyejeruhiwa waliuawa

• Ndugu 2 na dada 7 walijeruhiwa

• Wawakilishi kutoka ofisi ya tawi ya Ulaya ya Kati, waangalizi wawili wa mzunguko, na wazee wa eneo hilo wanawafariji na kuwategemeza akina ndugu

Tukiwa undugu wa ulimwenguni pote wenye umoja, tunasali kwa ajili ya wote walioathiriwa na shambulizi hilo. Yehova “ni ngome katika siku ya taabu” na atatusaidia kuvumilia nyakati hizi ngumu tunapoendelea kumwabudu kwa njia yenye amani.​—Nahumu 1:7.