Methali 3:1-35
3 Mwanangu, usisahau mafundisho* yangu,Na moyo wako ushike amri zangu,
2 Kwa sababu zitakuongezea siku nyingiNa miaka ya uhai na amani.+
3 Usiruhusu upendo mshikamanifu na uaminifu* zikuache.+
Zifunge shingoni mwako;Ziandike kwenye kibao cha moyo wako;+
4 Ndipo utakapopata kibali na ufahamu mzuriMachoni pa Mungu na wanadamu.+
5 Mtumaini Yehova+ kwa moyo wako wote,Wala usitegemee* uelewaji wako mwenyewe.+
6 Katika njia zako zote mtambue yeye,+Naye atavinyoosha vijia vyako.+
7 Usiwe mwenye hekima machoni pako mwenyewe.+
Mwogope Yehova na ujiepushe na uovu.
8 Hilo litaponya mwili wako*Na kuiburudisha mifupa yako.
9 Mheshimu Yehova kwa vitu vyako vyenye thamani,+Kwa mavuno ya kwanza ya* mazao* yako yote;+
10 Ndipo maghala yako yatakapojazwa kabisa,+Na mitungi yako itafurika* divai mpya.
11 Mwanangu, usikatae nidhamu ya Yehova,+Wala usichukie karipio lake,+
12 Kwa maana Yehova huwakaripia wale anaowapenda,+Kama baba anavyomkaripia mwana anayempenda.+
13 Mwenye furaha ni mtu anayepata hekima+Na mtu anayepata utambuzi;
14 Kupata hekima ni bora kuliko kupata fedha,Na kuipata kama faida ni bora kuliko kupata dhahabu.+
15 Ni yenye thamani kuliko marijani;*Hakuna chochote unachotamani kinachoweza kulinganishwa nayo.
16 Maisha marefu yako katika mkono wake wa kulia;Na katika mkono wake wa kushoto kuna utajiri na utukufu.
17 Njia zake zinapendeza,Na vijia vyake vyote vina amani.+
18 Ni mti wa uzima kwa wale wanaoishika,Na wale wanaoishika kwa nguvu wataitwa wenye furaha.+
19 Yehova aliuweka msingi wa dunia kwa hekima.+
Aliziimarisha kabisa mbingu kwa utambuzi.+
20 Kwa ujuzi wake vilindi vya maji vilitenganishwaNa anga zenye mawingu zilidondosha umande.+
21 Mwanangu, zisiondoke machoni pako.*
Ilinde hekima inayotumika na uwezo wa kufikiri;
22 Zitakupa uzimaNa kuwa pambo shingoni mwako;
23 Ndipo utakapotembea kwa usalama katika njia yako,Na mguu wako hautajikwaa kamwe.*+
24 Unapolala, hutaogopa;+Utalala, na usingizi wako utakuwa mtamu.+
25 Hutaogopa tisho lolote la ghafla+Wala dhoruba inayowajia waovu.+
26 Kwa maana Yehova atathibitika kuwa chanzo cha uhakika wako;+Ataulinda mguu wako usinaswe.+
27 Usiwanyime mema wale unaopaswa kuwatendea mema*+Ikiwa una uwezo wa kuwasaidia.*+
28 Usimwambie jirani yako, “Nenda; rudi baadaye! Nitakupa kesho,”
Ikiwa unaweza kumpa kitu hicho sasa.
29 Usipange kumdhuru jirani yako+Anayejihisi akiwa salama mkiwa pamoja.
30 Usigombane na mtu bila sababu+Ikiwa hajakutendea jambo lolote baya.+
31 Usimwonee wivu mtu mkatili+Wala kuchagua yoyote kati ya njia zake,
32 Kwa maana Yehova humchukia mtu mwenye hila,+Lakini ana urafiki wa karibu na watu wanyoofu.+
33 Laana ya Yehova iko juu ya nyumba ya mwovu,+Lakini huyabariki makao ya mwadilifu.+
34 Kwa maana yeye huwadhihaki wale wanaodhihaki,+Lakini huwaonyesha kibali wapole.+
35 Wenye hekima watarithi heshima,Lakini wapumbavu hutukuza aibu.+
Maelezo ya Chini
^ Au “sheria.”
^ Au “ukweli.”
^ Tnn., “usiegemee.”
^ Tnn., “kitovu chako.”
^ Au “mapato.”
^ Au “vitu vilivyo bora vya.”
^ Au “mashinikizo yako ya divai yatafurika.”
^ Ni wazi kwamba mstari huu unarejelea sifa za Mungu zinazotajwa katika mistari iliyotangulia.
^ Au “hautagonga kamwe kitu chochote.”
^ Au “Ikiwa mkono wako una nguvu za kusaidia.”
^ Au “wale wanaostahili.”
