Habari za Kweli Kuhusu Sikukuu ya Watakatifu Wote Inayoitwa Hallowini

CHAGUA LUGA

KICHWA

Habari za Kweli Kuhusu Sikukuu ya Watakatifu Wote Inayoitwa Hallowini

Je, watu wanafanya sikukuu ya Hallowini mahali ambapo unaishi? Katika Amerika na Kanada, Hallowini inajulikana sana na inafanywa kila mwaka tarehe 31 Mwezi wa 10. Lakini desturi za Hallowini zinaweza kupatikana katika sehemu zingine nyingi za dunia. Katika maeneo fulani sikukuu zinazofanywa zinafanana, hata ikiwa zina majina tofauti; sikukuu hizo zinafanana kwa jambo hili: kupashana habari na viumbe wa roho kutia ndani roho za watu waliokufa, majini ao viumbe wa kuwazia tu, wachawi, na hata shetani na malaika waovu.—Soma kisanduku “Sikukuu Zinazofanana na Sikukuu ya Hallowini Zinazofanywa Duniani Pote.”

INAWEZEKANA wewe hauamini viumbe wa roho. Labda unafanya sikukuu ya Hallowini na sikukuu zingine ili kujifurahisha na kuwafundisha watoto wako kujizoeza kufikiria mambo. Hata hivyo, watu wengi wanaona sikukuu hizo kuwa mbaya kwa sababu zinazofuata:

1. Kitabu kimoja kinasema kwamba “Hallowini inahusu kabisa-kabisa kupashana habari na viumbe wa roho, wengi kati ya roho hao wakiwa wabaya na wenye kuogopesha.” (Soma kisanduku “Historia ya Sikukuu ya Hallowini.”) Vilevile, sikukuu nyingi zinazofanana na Hallowini zilianzishwa na wapagani na zinafuata sana desturi za ibada ya mababu. Hata leo, duniani pote watu wanatumia sikukuu hizo ili kupashana habari na zile zinazowaziwa kuwa roho za watu waliokufa.

2. Hata ikiwa sikukuu ya Hallowini inaonwa kwanza kuwa sikukuu ya watu wa Amerika, kila mwaka watu wa inchi nyingi zaidi wanaanza pia kufanya sikukuu hiyo. Hata hivyo, watu wengi ambao wanaanza kufanya sikukuu hiyo hawajue kwamba alama, mapambo, na desturi za Hallowini zimetokana na wapagani; mengi kati ya mambo hayo yanahusiana na viumbe wa roho na mambo ya uchawi.—Soma kisanduku “Sikukuu ya Hallowini Ilitoka Wapi?”

3. Maelfu ya Wawiccan, ambao wanafanya sherehe za kidini za Kiselti, bado wanaita sikukuu ya Hallowini kwa jina la zamani Samhain na wanaiona kuwa ndio usiku takatifu zaidi katika mwaka. Gazeti moja lilitaja maneno ya muchawi mumoja aliyesema hivi: “Wakristo wanafanya sikukuu hiyo pamoja na sisi bila kujua. . . . Tunafurahia jambo hilo.” (USA Today)

4. Sikukuu kama vile Hallowini hazipatane na mafundisho ya Biblia. Biblia inaonya hivi: ‘Asipatikane ndani yako yeyote . . . anayefanya uaguzi, mwenye kufanya uchawi ao yeyote anayetafuta ishara za bahati ao mulozi, ao anayefunga wengine kwa kuwatakia maovu ao yeyote anayetafuta shauri kwa mwenye kuwasiliana na pepo ao mujuzi wa kubashiri matukio ao yeyote anayeuliza habari kutoka kwa wafu.’—Kumbukumbu la Torati 18:10, 11; soma pia Mambo ya Walawi 19:31; Wagalatia 5:19-21.

Kulingana na mambo yanayotajwa hapo juu, ni jambo la hekima kwako kujua mwanzo usiofaa wa sikukuu ya Hallowini na sikukuu zinazofanana na Hallowini. Kuelewa jambo hilo vizuri kunaweza kukuchochea ujiunge na watu wengine wengi ambao hawafanye sikukuu hizo.

SIKUKUU YA HALLOWINI ILITOKA WAPI?

Mwanzo wa Desturi na Vitu Fulani Vinavyotumiwa Wakati wa Sikukuu ya Hallowini

WANYONYA DAMU, WATU-MBWEHA, WACHAWI, MIZUKA: Viumbe hivyo vimehusianishwa kwa muda murefu na mashetani.

PEREMENDE AO VITU VYA SUKARI-SUKARI: Waselti wa zamani walijaribu kutuliza mashetani kwa kutumia vitu vya sukari-sukari. Kisha hapo, kanisa liliwatia moyo watu waliofanya sikukuu hiyo ya Watakatifu Wote waende kwenye nyumba ya kila mutu, waliomba watu watoe chakula ili kuwaombea watu wao waliokufa. Mwishowe desturi hiyo ilikuja kuwa desturi ya watoto ya kuenda kwenye nyumba ya kila mutu wakati wa sikukuu ya Hallowini ili kuomba vitu vya sukari-sukari.

NGUO ZINAZOVALIWA: Waselti walikuwa wanavaa vifuniko vya uso vyenye kuogopesha ili mashetani wafikiri kwamba wale wenye kuvaa vifuniko hivyo walikuwa pia mashetani na hivyo kuacha kuwasumbua. Polepole kanisa lilichanganya desturi za kipagani na Sikukuu ya Nafsi Zote na Watakatifu Wote. Kisha, watu wanaofanya sikukuu hiyo walikuwa wanaenda nyumba kwa nyumba wakiwa wenye kuvaa nguo za watakatifu, za malaika, na za mashetani.

MABOGA: Mishumaa yenye kuwaka ilitiwa ndani ya maua ya tanipu yenye kuchongwa. Maua hayo ya tanipu yalitumiwa ili kufukuza mashetani. Watu wengine waliamini kwamba mushumaa uliokuwa ndani ya maua ya tanipu ulifananisha nafsi iliyofungwa katika purgatori. Kisha, maboga yenye kuchongwa yalianza kutumiwa sana.

“Wakristo wanafanya sikukuu hiyo pamoja na sisi bila kujua. . . . Tunafurahia jambo hilo.”—Maneno ya muchawi mumoja katika gazeti USA Today

HISTORIA YA SIKUKUU YA HALLOWINI

KATI YA MWAKA WA 500 NA 401 MBELE YA KUZALIWA KWA YESU

Waselti walifanya sikukuu ya Samhain mwishoni mwa Mwezi wa 10, waliamini kwamba wakati huo roho za watu waliokufa na mashetani walitembea-tembea zaidi duniani kuliko wakati mwengine.

KATI YA MWAKA WA 1 NA 100 KISHA KUZALIWA KWA YESU

Waroma walishinda Waselti na wakakubali desturi za sikukuu ya Samhain za kupashana habari na mashetani.

KATI YA MWAKA WA 601 NA 700 KISHA KUZALIWA KWA YESU

Inasemekana kwamba ni Papa Boniface wa 4 ndiye alianzisha sikukuu ya kila mwaka ya Watakatifu Wote ili kuwaonyesha heshima watu waliofia imani. *

KATI YA MWAKA WA 1001 NA 1100 KISHA KUZALIWA KWA YESU

Tarehe 2 Mwezi wa 11 ilichaguliwa kuwa Sikukuu ya Nafsi Zote ili kuwakumbuka watu waliokufa.

KATI YA MWAKA WA 1701 NA 1800 KISHA KUZALIWA KWA YESU

Jina la Kiingereza la sikukuu hiyo, kama linavyojulikana leo (Hallowini) lilionekana kwa mara ya kwanza katika maandishi ya kitabu fulani.

KATI YA MWAKA WA 1801 NA 1900 KISHA KUZALIWA KWA YESU

Maelfu ya watu ambao walihama kutoka Irelandi na kuenda Amerika walibeba desturi zao za sikukuu ya Hallowini, ambazo baada ya muda, zilichangamana na desturi zinazofanana na hizo za watu waliohamia Amerika kutoka Uingereza na Ujerumani na pia kutoka Afrika na sehemu zingine za dunia na pia kutoka Afrika na sehemu zingine za dunia.

KATI YA MWAKA WA 1901 NA 2000

Sikukuu ya Hallowini ilikuja kuwa sikukuu ya kitaifa yenye kuenea sana na yenye kupendwa sana huko Amerika.

KUANZIA MWAKA WA 2001 NA KUENDELEA

Shuguli za biashara kuhusiana na sikukuu ya Hallowini zimeongezeka kufikia mamilioni ya dola duniani pote.

^ Hallow ni neno la zamani ambalo maana yake ni “mutakatifu”. Sikukuu ya Hallow (inayoitwa pia Sikukuu ya Watakatifu Wote) ni sikukuu inayofanywa ili kuwaonyesha heshima watakatifu waliokufa. Mangaribi inayotangulia Sikukuu ya Hallow iliitwa All Hallow Even, baadaye ilifupishwa na kuitwa Hallowini.

AMUKA!