யோபு 26:1-14
26 அதற்கு யோபு,
2 “சோர்ந்துபோனவனுக்கு ரொம்பவே உதவி செய்துவிட்டீர்கள்!
சக்தி இல்லாமல் கிடந்தவனை நன்றாகவே தூக்கி நிறுத்திவிட்டீர்கள்!+
3 புத்தி* இல்லாதவனுக்குப் பெரிதாகப் புத்தி சொல்லிவிட்டீர்கள்!+
நீங்கள் பெரிய ஞானி என்று காட்டிவிட்டீர்கள்!
4 யாரைப் பார்த்துப் பேசுகிறீர்கள்?இப்படியெல்லாம் பேச யார் உங்களைத் தூண்டிவிட்டது?
5 செத்துக் கிடக்கிறவர்கள்* கடவுளுக்கு முன்னால் நடுங்குகிறார்கள்.அவர்கள் கடலையும் கடல் பிராணிகளையும்விட கீழ்மட்டத்தில் இருக்கிறார்கள்.
6 கல்லறை அவர்முன் திறந்தே இருக்கிறது.+புதைகுழி மூடப்படாமல் கிடக்கிறது.
7 வெறுமையான இடத்தில் அவர் வானத்தை* விரித்தார்.+பூமியை அந்தரத்தில் தொங்கவிட்டார்.
8 மேகத்தில் தண்ணீரைக் கட்டி வைக்கிறார்.+அதன் எடையால் மேகம் கிழிவதில்லை.
9 அவருடைய சிம்மாசனத்தை மறைக்கிறார்.மேகத்தால் அதை மூடுகிறார்.+
10 கடலும் வானமும் தொடுவதுபோல் ஒரு எல்லைக்கோட்டைப் போட்டிருக்கிறார்.+வெளிச்சத்துக்கும் இருட்டுக்கும் ஒரு எல்லையைக் குறித்திருக்கிறார்.
11 வானத்தின் தூண்கள் அதிர்கின்றன.அவர் அதட்டும்போது அவை நடுங்குகின்றன.
12 அவருடைய சக்தியால் கடலைக் கொந்தளிக்க வைக்கிறார்.+அவருடைய புத்தியால்* ராட்சதக் கடல் பிராணியை* நொறுக்குகிறார்.+
13 வானத்திலுள்ள மேகங்களை அவருடைய மூச்சுக்காற்றால்* கலைக்கிறார்.நழுவி* செல்லும் பாம்பை அவருடைய கையால் குத்திக் கொல்கிறார்.
14 இவையெல்லாம் அவருடைய வழிகளின் ஓரங்கள்தான்!+அவரைப் பற்றி நம் காதில் விழுந்திருப்பதெல்லாம் ரொம்பவே லேசான சத்தம்தான்!
அப்படியிருக்கும்போது, அவர் உண்டாக்குகிற மாபெரும் இடிமுழக்கத்தை யார்தான் புரிந்துகொள்ள முடியும்?”+ என்று சொன்னார்.
அடிக்குறிப்புகள்
^ வே.வா., “ஞானம்.”
^ வே.வா., “செத்து செயலிழந்து போனவர்கள்.”
^ நே.மொ., “வடக்குப் பகுதியை.”
^ வே.வா., “புரிந்துகொள்ளுதலால்.”
^ நே.மொ., “ராகாபை.”
^ வே.வா., “அவருடைய காற்றை அனுப்பி.”
^ வே.வா, “நெளிந்து.”