Maromak mak kbiit ida neʼebé la iha sentimentu ka lae?
Bíblia nia resposta
Maromak hatudu sai ninia kbiit boot iha universu. Bíblia esplika kona-ba dalan neʼebé Maromak kria fitun millaun ba millaun hodi dehan: “Foti matan ba lalehan no haree bá. Sé mak kria buat sira-neʼe? Neʼe mak Ida neʼebé dirije ninia tropa tuir sira-nia númeru; Nia bolu sira ida-idak nia naran. Tanba ninia forsa neʼebé boot no ninia kbiit neʼebé kmanek, sira ida mós la falta.”—Isaias 40:25, 26.
Maibé Maromak laʼós deʼit forsa boot. Bíblia dehan katak nia iha sentimentu oioin, hanesan domin no odi. (Salmo 11:5; João 3:16) Bíblia mós fó sai katak Maromak haree buat neʼebé ema halo no neʼe bele afeta ninia sentimentu.—Salmo 78:40, 41.