Salmo 55:1-23
Ba dirijente: Knananuk neʼe atu akompaña ho instrumentu neʼebé iha talin. Maskil.* David nia knananuk.
55 Oh Maromak, rona haʼu-nia orasaun,+No keta taka tilun ba haʼu-nia harohan atu husu Ita-nia laran-sadiʼa.*+
2 See tilun didiʼak mai haʼu no hatán haʼu.+
Haʼu-nia neon-susar halo haʼu la hakmatek,+No haʼu sente laran-susar
3 Tanba buat neʼebé inimigu dehanNo terus husi ema aat.
Sira kontinua tau susar ba haʼu,No ho hirus mak sira rai odi hasoru haʼu.+
4 Haʼu-nia fuan moras tebes,+No taʼuk ba mate mak domina haʼu.+
5 Haʼu sai taʼuk no nakdedar,No nakdedar kaer metin haʼu.
6 Haʼu dehan beibeik: “Oh se karik haʼu iha liras hanesan manu-pombu!
Haʼu sei semo no hela iha fatin seguru.
7 Haʼu sei halai ba fatin dook.+
Haʼu sei hela iha rai-fuik.+ (Sela)
8 Haʼu sei semo lalais ba fatin neʼebé fó mahon ba haʼu,Dook husi anin makaʼas, dook husi anin-fuik.”
9 Oh Jeová, halo sira bilán, no estraga sira-nia planu sira,*+Tanba haʼu haree ona violénsia no haksesuk malu iha sidade.
10 Loron no kalan sira laʼo haleʼu iha sidade nia moru leten;Iha sidade laran nakonu ho hahalok aat no problema.+
11 Susar mak iha sidade nia klaran;Ema sempre haterus malu no lohi malu iha sidade nia fatin públiku.+
12 Tanba laʼós inimigu ida mak sadik haʼu;+Se lae haʼu sei bele tahan.
No laʼós inimigu ida mak hamriik kontra haʼu;Se lae haʼu sei bele subar an husi nia.
13 Maibé ó mak halo nuneʼe, ó mak ema ida hanesan haʼu,+Haʼu-nia belun rasik neʼebé haʼu koñese didiʼak.+
14 Uluk ita naʼin-rua mak belun diʼak;Uluk ita toman laʼo ba Maromak nia uma hamutuk ho ema-lubun.
15 Haʼu hein katak sira sei lakon!+
Husik sira tun moris deʼit ba rate;*Tanba buat aat mak hela iha sira-nia leet no iha sira-nia laran.
16 Kona-ba haʼu, haʼu sei bolu Maromak,No Jeová sei salva haʼu.+
17 Dadeer, meiudia no kalan, haʼu sente laran-susar no haʼu halerik,*+No nia rona haʼu-nia lian.+
18 Nia sei fó dame ba haʼu no salva* haʼu husi ema sira neʼebé halo funu hasoru haʼu,Tanba ema-lubun mai ataka haʼu.+
19 Maromak sei rona no hatán sira,+Maromak neʼebé tuur iha kadunan husi uluk kedas.+ (Sela)
Sira neʼebé la hamtaʼuk Maromak+Sira sei la troka sira-nia hahalok aat.
20 Nia* ataka ona ema sira neʼebé habelun ho nia;+Nia kontra ona ninia aliansa.+
21 Ninia liafuan sira mamar liu fali manteiga,+Maibé funu mak iha ninia laran.
Ninia liafuan sira namdoras liu fali mina,Maibé sira mak hanesan surik neʼebé losu sai ona.+
22 Entrega ó-nia laran-susar* ba Jeová,+No nia sei apoia ó.+
Nia sei nunka husik ema laran-loos atu monu.*+
23 Maibé Ita, oh Maromak, Ita sei lori sira tama ba rai-kuak neʼebé kleʼan liu.+
Ema ohodór no bosok-teen sira sei mate sedu.+
Maibé kona-ba haʼu, haʼu sei tau fiar ba Ita.
Nota-rodapé
^ Ka “keta subar an bainhira haʼu harohan atu husu ajuda”.
^ Orj., “no fahe sira-nia nanál”.
^ Haree “Siol” iha Glosáriu.
^ Ka “haʼu la hakmatek”.
^ Orj., “sosa fali”.
^ Neʼe katak belun uluk nian neʼebé temi ona iha ver. 13 no 14.
^ Ka “todan”.
^ Ka “sidi”.