Informasaun Privadu
Informasaun privadu jerál
Haree mós
RESPEITU BA ITA-NIA INFORMASAUN PRIVADU
Ami iha obrigasaun atu proteje no respeita Ita-nia informasaun privadu. Informasaun Privadu neʼe fó-hatene oinsá dadus pesoál neʼebé Ita fó mai ami sei prosesa iha ami-nia website no aplikasaun hotu husi Watchtower Bible and Tract Society of New York, Inc. (“Watchtower”). Bainhira Ita vizita ami-nia website, ami sei rai informasaun balu kona-ba Ita, maibé ami hatene katak importante atu uza informasaun neʼe ho seguru no sei fó-hatene ba Ita oinsá ami sei uza informasaun neʼe. Ita bele hili se hakarak atu fó mai ami Ita-nia dadus pesoál balu. Liafuan “dadus pesoál” neʼebé uza iha Informasaun Privadu neʼe refere ba informasaun hanesan Ita-nia naran, email, diresaun, númeru telefone, ka dadus seluk neʼebé identifika Ita. Liafuan website inklui website neʼe no ami-nia website seluk hanesan apps.ps8318.com, ba.ps8318.com, stream.ps8318.com, no wol.ps8318.com.
INFORMASAUN OINSÁ KONTROLA DADUS
Website neʼe no aplikasaun hotu mak Watchtower nian, organizasaun neʼe nonprofit ka la manán osan, neʼebé apoia Testemuña ba Jeová nia atividade no sira-nia serbisu edukasaun nian kona-ba Bíblia. Se Ita deside atu kria account, fó kontribuisaun, husu atu ema vizita Ita, ka halo buat ruma neʼebé envolve fó Ita-nia dadus pesoál, Ita tenke konkorda ho Informasaun Privadu neʼe, no konkorda katak ami bele rai Ita-nia dadus ba ami-nia server sira iha Estadus Unidus Amérika. Ita mós konkorda atu Watchtower, no organizasaun seluk neʼebé apoia Testemuña ba Jeová, bele halibur, prosesa, transfere, no rai Ita-nia dadus pesoál hodi kumpre buat neʼebé Ita husu. Organizasaun relijiaun nian neʼe halaʼo atividade iha mundu tomak liuhusi sukursál no eskritóriu oioin. Atu proteje Ita-nia dadus, karik sira uza kongregasaun iha Ita-nia área, sukursál, no organizasaun seluk neʼebé Testemuña ba Jeová uza.
Ita-nia dadus pesoál sei kontrola iha dalan oioin depende ba dalan neʼebé Ita uza ami-nia website. Porezemplu, se Ita fó kontribuisaun ba ami-nia sukursál ka eskritóriu iha rai ida, Ita-nia naran no informasaun kontaktu nian sei fó ba sukursál ka eskritóriu neʼebé Ita hili bainhira fó kontribuisaun. Ezemplu seluk, se Ita husu atu ema vizita Ita, Ita-nia naran no informasaun kontaktu sei fó ba sukursál neʼebé tau matan ba rai neʼebé Ita hela no ba kongregasaun ida husi Testemuña ba Jeová hodi bele kumpre buat neʼebé Ita husu.
Atu ajuda Ita: Se rai neʼebé Ita hela iha lei kona-ba protesaun dadus nian, Ita bele hetan informasaun kontaktu ba rai neʼebé Ita hela iha pájina Oinsá proteje dadus kontaktu sira.
SEGURANSA NO KONFIDENSIALIDADE BA DADUS
Ba ami, seguransa no konfidensialidade ba Ita-nia dadus pesoál mak buat neʼebé sériu tebes. Tan neʼe ami uza téknika modernu kona-ba seguransa no kona-ba rai Ita-nia dadus atu proteje Ita-nia informasaun pesoál husi asesu la ho autorizasaun, husi uza sala ka fó sai informasaun neʼe, halo mudansa la ho autorizasaun, destruisaun ilegál no perda asidentál. Ami-nia website no website seluk neʼebé uza atu prosesa Ita-nia dadus pesoál, iha obrigasaun atu respeita konfidensialidade ba Ita-nia informasaun pesoál. Ami rai Ita-nia dadus pesoál durante deʼit tempu neʼebé presiza hodi kumpre buat neʼebé Ita husu ka atu kumpre lei ruma kona-ba deklara informasaun neʼe ka hodi tuir rekizitu legál kona-ba rai dokumentu sira.
Bainhira transfere Ita-nia dadus pesoál ami proteje ida-neʼe hodi uza protokolu kriptografia nian, hanesan Transport Layer Security (TLS). Ami uza sistema komputadór neʼebé uza protokolu kona-ba asesu limitadu, rai iha fasilidade neʼebé uza medida seguransa fízika, eletróniku, no seguransa seluk tan atu proteje informasaun neʼebé Ita fó ba ami. Ami uza seguransa atu hanetik asesu ba Ita-nia dadus pesoál bainhira la iha autorizasaun.
IDADE MENÓR
Se Ita mak idade menór iha rai neʼebé Ita asesu ami-nia website, Ita bele fó Ita-nia dadus pesoál iha website neʼe só deʼit se Ita-nia inan ka aman ka ema neʼebé iha responsabilidade atu tau matan ba Ita hatene kona-ba neʼe. Se Ita mak inan ka aman ka ema neʼebé iha responsabilidade atu tau matan ba ema neʼebé idade menór no Ita hatán atu nia fó dadus pesoál iha website neʼe, Ita tenke konkorda ho Informasaun Privadu neʼe.
WEBSITE SELUK NEʼEBÉ AMI UZA
Dala ruma, website neʼe ka aplikasaun seluk bele iha link neʼebé lori Ita ba website seluk. Karik neʼe inklui link neʼebé lori Ita ba website seluk neʼebé ami uza atu halo serbisu balu ba ami (porezemplu, prenxe formuláriu online). Ita sei hatene katak Ita tama iha website seluk tanba sei haree oin seluk ho ami-nia website no diresaun iha browser mós sei troka. Karik Ita mós sei simu email sira ka mensajen husi website seluk bazeia ba informasaun neʼebé Ita hatama liuhusi website neʼe, inklui notifikasaun husi atividade sira neʼebé Ita hakarak atu hatene. Iha tempu neʼebé ami hili website seluk atu serbisu ho ami, no tempu balu depois neʼe, ami lee didiʼak sira-nia Informasaun Privadu kona-ba oinsá sira proteje dadus pesoál atu haree katak sira tuir ami-nia dalan atu proteje dadus pesoál. Maibé, website sira-neʼe uza aplikasaun no serbisu neʼebé uza programa komputadór, kondisaun atu uza, informasaun privadu, no kondisaun jerál seluk tan neʼebé ami labele kontrola. Tanba razaun neʼe, bainhira Ita uza website seluk nia aplikasaun no serbisu iha website neʼe, sira sei prosesa Ita-nia dadus pesoál tuir kondisaun atu uza no kondisaun jerál seluk neʼebé sira implementa daudaun. Sira la fó-hatene ami kona-ba mudansa ba sira-nia kondisaun atu uza, tan neʼe halo favór antes uza website seluk, lee didiʼak sira-nia kondisaun atu uza. Se Ita iha pergunta kona-ba website seluk nia Informasaun Privadu, halo favór haree lista informasaun nian iha sira-nia website.
Se Ita uza Google Maps iha website neʼe, Ita sei uza tuir Google Privacy Policy neʼebé implementa daudaun. Google mak website seluk neʼebé uza aplikasaun, programa komputadór, no Terms of Service neʼebé ami labele kontrola. Tanba razaun neʼe, bainhira Ita uza Google Maps iha website neʼe, Ita sei uza tuir Google Maps/Google Earth Additional Terms of Service neʼebé implementa daudaun. Sira la fó-hatene ami kona-ba mudansa ba sira-nia kondisaun atu uza, tan neʼe halo favór antes uza Google Maps, lee didiʼak sira-nia kondisaun atu uza. Keta uza Google Maps se Ita la konkorda ho sira-nia kondisaun atu uza.
NOTIFIKASAUN KONA-BA MUDANSA BA INFORMASAUN PRIVADU NEʼE
Ami kontinua hadiʼa liután no aumenta funsaun no buat foun iha website no aplikasaun hotu neʼebé ami uza. Tanba mudansa sira-neʼe no mudansa kona-ba lei teknolojia nian, dala ruma dalan neʼebé prosesa dadus sira mós troka. Bainhira presiza duni troka ami-nia Informasaun Privadu, ami sei fó sai mudansa sira-neʼe iha pájina neʼe hodi nuneʼe Ita sempre hatene informasaun saida deʼit mak simu husi Ita no oinsá ami uza ida-neʼe.
ACTIVE SCRIPTING KA JAVASCRIPT
Website neʼe no ami-nia aplikasaun hotu uza scripting atu bele laʼo ho diʼak liu no lalais liu. Hodi uza teknolojia scripting, neʼe ajuda ami atu hatán ka haruka kedas informasaun neʼebé Ita husu. Website neʼe no ami-nia aplikasaun hotu sei nunka uza scripting atu instala programa ruma ba Ita-nia komputadór no mós sei nunka husu informasaun la ho autorizasaun husi Ita.
Atu ami-nia website neʼe bele laʼo ho diʼak, Ita presiza enable Active scripting ka JavaScript iha browser. Web browser barak husik Active scripting ka JavaScript atu bele enable ka disable kuandu Ita loke website balu. Bele lee informasaun iha Web browser help atu hatene oinsá atu enable scripting ba website sira.