ఈ విశ్వమంతటిలో దేవుని అసాధారణమైన శక్తి కనిపిస్తుంది. ఎన్నో కోట్ల నక్షత్రాలను ఆయన చేసిన విధానం గురించి బైబిలు ఇలా చెబుతుంది: ‘మీ కళ్లు పైకెత్తి చూడండి వీటిని ఎవరు సృష్టించారు? వీటి లెక్కచొప్పున వీటి సమూహాలను బయలుదేరజేసి వీటన్నిటికి పేర్లు పెట్టి పిలుచు వాడే [దేవుడే] కదా. తన అధికశక్తిచేత తనకు ఉన్న బలాతిశయము చేత ఆయన ఒక్కటైనా విడిచిపెట్టడు.’—యెషయా 40:25, 26.

 కానీ దేవుడు, ఓ అసాధారణమైన శక్తి మాత్రమే కాదు. ఆయనకు ప్రేమ, ద్వేషం లాంటి భావాలు ఉన్నాయని బైబిలు చెబుతుంది. (కీర్తన 11:5; యోహాను 3:16) మనుషుల ప్రవర్తన బట్టి దేవునికి సంతోషం, బాధ లాంటి భావోద్వేగాలు కూడా కలుగుతాయని బైబిలు చెబుతుంది.—కీర్తన 78:40, 41.