ప్రపంచమంతా గందరగోళం
3 | బంధాల్ని బలపర్చుకోండి
ఎందుకో తెలుసా?
ప్రపంచంలో గందరగోళ పరిస్థితులు పెరిగేకొద్దీ ప్రేమలు తగ్గిపోతున్నాయి, దూరాలు పెరిగిపోతున్నాయి.
-
కొంతమంది తమ స్నేహితుల్ని దూరం పెడుతున్నారు.
-
భార్యాభర్తలైతే ఎడమొహం పెడమొహంగా ఉంటున్నారు.
-
తల్లిదండ్రులు తమ పిల్లల ఫీలింగ్స్ని పట్టించుకోకుండా, వాళ్ల టెన్షన్లో వాళ్లుంటున్నారు.
మీకు తెలుసా?
-
స్నేహితులు ఉండడం చాలా అవసరం. ఎందుకంటే ఆరోగ్యం బాలేకపోయినా, మనసు బాలేకపోయినా వాళ్లు తోడుగా ఉంటారు.
-
చుట్టూ పరిస్థితులు గందరగోళంగా ఉన్నప్పుడు, ఆ ఒత్తిడివల్ల కుటుంబంలో మీరు ఊహించని సమస్యలు తలెత్తవచ్చు.
-
పరిస్థితులు ఎంత ఘోరంగా ఉన్నాయో పిల్లలు న్యూస్లో విన్నప్పుడు గానీ, చూసినప్పుడు గానీ వాళ్లు కంగారు పడవచ్చు, భయపడవచ్చు.
ఇప్పుడు ఏం చేయాలి?
బైబిలు ఇలా చెప్తుంది: “నిజమైన స్నేహితుడు ఎల్లప్పుడూ ప్రేమిస్తాడు, కష్టకాలంలో అతను సహోదరుడిలా ఉంటాడు.”—సామెతలు 17:17.
స్నేహితులు మనకు ధైర్యం చెప్పి, తెలివైన సలహాలిస్తారు. వాళ్లిచ్చే అండతో ఎలాంటి కష్టాన్నైనా తట్టుకోవడం తేలికౌతుంది.