Mbampin Mba Bibilo I Ne Mlumun Sha Mi La
Er nan ve bem a ban sha tar yum nahana?
Ka gomoti u una fatyô u geman inja i ior la tseegh una va a bem sha tar ye
Bibilo na atôakyaa a vesen ahar a a ne ve kwagh a lu nahan yô. Hiihii yô, er uumace ve ze ikyura kpishi nahan kpa, i gba ve ér ve hemen ayol a ve ga. Sha uhar yô, iniôngon i uumace cii wase ga, sha ci u “tar cii ngu sha ikyev i Orbo,” Satan Diabolo. Ka nahan ve, iniôngon i uumace i van a bem sha tar la cii i dugh gbilin ye.—Ôr Yeremia 10:23; 1 Yohane 5:19.
Ieren i uumace i hemban wan ayol a ve ikyo la kua asaren a ve a bo la kpa na yô, bem ban sha tar. Ka gomoti u una hemen tar cii, u una tese ior u soon kwagh u vough shi wan mbagenev ikyo la tseegh una fatyô u van a bem sha tar ye.—Ôr Yesaia 32:17; 48:18, 22.
Ka an nana va a bem sha tara?
Aôndo u Hembanagee tôndo zwa ér una ver gomoti môm u una hemen uumace cii yô. Una kar a tile sha ityough ki ugomoti mba uumace cii. (Daniel 2:44) Hen shighe la, Wan u Aôndo, Yesu, una kure tom na u Wantor u Bem la. Una tim iferkwagh sha tar kera cii shi una tese ior u lun bem bem.—Ôr Yesaia 9:6, 7; 11:4, 9.
Hegen je kpa, ior mba dondon kwaghwan u Yesu sha tar. Ior umilion imôngo mba eren tom a Bibilo, sha u tesen ior er vea lu bem bem a mbagenev yô. Ica a gba ga tsô, bem una dumbur sha tar je a lu ashe tugh ga.—Ôr Yesaia 2:3, 4; 54:13.
