Mga Awit 27:1-14
Awit ni David.
27 Si Jehova ang aking liwanag+ at kaligtasan.
Kanino ako matatakot?+
Si Jehova ang moog ng buhay ko.+
Kanino ako masisindak?
2 Nang salakayin ako ng masasamang tao para lamunin,+Ang mga kalaban at kaaway ko ang natisod at nabuwal.
3 Kahit na magkampo ang isang hukbo para salakayin ako,Hindi ako matatakot.*+
Kahit na may makipagdigma sa akin,Mananatiling buo ang loob ko.
4 Isang bagay ang hinihiling ko kay Jehova—Iyon ang inaasam ko—Na makapanirahan ako sa bahay ni Jehova habang nabubuhay ako,+Para masdan ang karilagan ni JehovaAt tingnan nang may pagpapahalaga* ang kaniyang templo.*+
5 Dahil itatago niya ako sa kaniyang kanlungan sa araw ng kapahamakan;+Itatago niya ako sa lihim na lugar, sa tolda niya;+Ilalagay niya ako sa ibabaw ng isang mataas na bato.+
6 Kaya magtatagumpay ako sa* mga kaaway ko na nakapalibot sa akin;Maghahandog ako sa tolda niya habang humihiyaw sa kagalakan;Aawit ako ng mga papuri* kay Jehova.
7 Pakinggan mo ako, O Jehova, kapag tumatawag ako sa iyo;+Kaawaan mo ako at sagutin mo ako.+
8 Ipinapaalaala sa akin ng puso ko ang utos mo:
“Hanapin ninyo ako.”*
O Jehova, hahanapin kita.*+
9 Huwag mong itago sa akin ang iyong mukha.+
Huwag mong itaboy ang lingkod mo dahil sa galit.
Ikaw ang tumutulong sa akin;+Huwag mo akong pabayaan o iwan, aking Diyos ng kaligtasan.
10 Kahit na iwan ako ng aking ama at ina,+Si Jehova mismo ang kukupkop sa akin.+
11 O Jehova, ituro mo sa akin ang iyong daan,+Akayin mo ako sa matuwid mong landas para protektahan ako sa mga kaaway.
12 Huwag mo akong ibigay sa mga kalaban ko,+Dahil inaakusahan ako ng sinungaling na mga testigo,+At nagbabanta silang saktan ako.
13 Nasaan na ako ngayon kung wala akong pananampalatayaNa makikita ko ang kabutihan ni Jehova sa lupain ng mga buháy?*+
14 Umasa ka kay Jehova;+Lakasan mo ang loob mo at magpakatatag ka.+
Oo, umasa ka kay Jehova.
Talababa
^ Lit., “Hindi matatakot ang puso ko.”
^ O “pagbubulay-bulay.”
^ O “santuwaryo.”
^ O “Aawit ako at tutugtog para.”
^ O “Ngayon ay mas mataas ang ulo ko kaysa sa.”
^ Lit., “ang aking mukha.”
^ Lit., “hahanapin ko ang iyong mukha.”
^ O posibleng “Talagang nananampalataya ako na makikita ko ang kabutihan ni Jehova sa lupain ng mga buháy.”