Mga Awit 46:1-11
Sa direktor. Awit ng mga anak ni Kora.+ Sa istilong Alamot.*
46 Ang Diyos ang ating kanlungan at lakas,+Handa siyang tumulong kapag may mga problema.+
2 Kaya hindi tayo matatakot, kahit may pagbabagong mangyari sa lupa,Kahit na gumuho ang mga bundok at lumubog sa pusod ng dagat,+
3 Kahit na ang tubig nito ay umugong at umalimbukay,+Kahit na umuga ang mga bundok dahil sa pagdaluyong nito. (Selah)
4 May sanga-sangang ilog na nagpapasaya sa lunsod ng Diyos,+Sa banal at maringal na tabernakulo ng Kataas-taasan.
5 Ang Diyos ay nasa lunsod;+ hindi ito maibabagsak.
Tutulungan ito ng Diyos sa pagbubukang-liwayway.+
6 Ang mga bansa ay nagkagulo, ang mga kaharian ay bumagsak;Inilakas niya ang tinig niya, at ang lupa ay natunaw.+
7 Si Jehova ng mga hukbo ay kasama natin;+Ang Diyos ni Jacob ang ating ligtas na kanlungan.* (Selah)
8 Halikayo at masdan ninyo ang mga ginagawa ni Jehova,Ang kamangha-manghang mga bagay na ginagawa niya sa lupa.
9 Pinatitigil niya ang mga digmaan sa buong lupa.+
Binabali niya ang pana at dinudurog ang sibat;Sinusunog niya ang mga karwaheng pangmilitar.*
10 “Magpasakop kayo at kilalanin ninyo na ako ang Diyos.
Dadakilain ako sa gitna ng mga bansa;+Dadakilain ako sa lupa.”+
11 Si Jehova ng mga hukbo ay kasama natin;+Ang Diyos ni Jacob ang ating ligtas na kanlungan.+ (Selah)