Isaias 63:1-19
63 Sino itong dumarating mula sa Edom,+Mula sa Bozra+ na matingkad* ang damit,Na napakaganda ng kasuotanAt paparating na may malakas na kapangyarihan?
“Ako iyon, ang nagsasalita ayon sa katuwiran,Ang may malakas na kapangyarihan para magligtas.”
2 Bakit pula ang damit mo,At bakit ang suot mo ay gaya ng sa tumatapak sa pisaan ng ubas?+
3 “Mag-isa kong tinapakan ang mga ubas.
Wala akong kasamang sinuman mula sa mga bayan.
Paulit-ulit ko silang tinapakan dahil sa galit ko,At paulit-ulit ko silang niyurakan dahil sa poot ko.+
Natalsikan ng dugo nila ang suot ko,At namantsahan ang buong damit ko.
4 Dahil ang araw ng paghihiganti ay nasa puso ko,+At ang taon ng mga tinubos ko ay dumating na.
5 Tumingin ako, pero walang naroon para tumulong;Nagulat ako na walang nag-alok ng tulong.
Kaya ang bisig ko ang nagligtas,*+At ang poot ko ang umalalay sa akin.
6 Sa galit ko ay niyurakan ko ang mga bayan,Nilasing ko sila ng poot ko+At pinadanak ang dugo nila sa lupa.”
7 Sasabihin ko ang tungkol sa ipinakitang tapat na pag-ibig ni Jehova,Ang kapuri-puring mga ginawa ni Jehova,Dahil sa lahat ng ginawa ni Jehova para sa atin,+Ang maraming mabubuting bagay na ginawa niya para sa sambahayan ng Israel,Ayon sa kaniyang awa at dakila at tapat na pag-ibig.
8 Dahil sinabi niya: “Talagang sila ang bayan ko, mga anak na hindi magtataksil.”+
Kaya siya ang naging Tagapagligtas nila.+
9 Sa lahat ng paghihirap nila ay nahihirapan siya.+
At iniligtas sila ng sarili niyang mensahero.*+
Dahil sa pag-ibig at habag niya ay tinubos niya sila,+At binuhat niya sila at dinala sa buong panahong lumipas.+
10 Pero nagrebelde sila+ at pinighati ang banal na espiritu niya.+
Kaya siya ay naging kaaway nila,+At nakipaglaban siya sa kanila.+
11 At naalaala nila ang mga araw noong unang panahon,Noong panahon ng lingkod niyang si Moises:
“Nasaan ang nagpatawid sa kanila sa dagat+ kasama ng mga pastol ng kawan niya?+
Nasaan ang naglagay sa kaniya ng Kaniyang banal na espiritu,+
12 Ang may maluwalhating bisig na tumulong sa kanang kamay ni Moises,+Ang humati sa tubig sa harap nila+Para gumawa ng walang-hanggang pangalan para sa sarili niya,+
13 Ang nagpalakad sa kanila sa dumadaluyong* na tubig,Kaya nakalakad sila nang hindi nabubuwal,Gaya ng isang kabayo sa kapatagan?*
14 Gaya ng mga hayop kapag bumababa sila sa kapatagan,Ang espiritu ni Jehova ang nagbibigay sa kanila ng kapahingahan.”+
Gayon mo inakay ang bayan mo,Para makagawa ka ng maringal na* pangalan para sa iyong sarili.+
15 Tumanaw ka mula sa langit at tumingin kaMula sa iyong mataas na tirahan ng kabanalan at kaluwalhatian.*
Nasaan ang iyong sigasig at lakas,Ang iyong habag*+ at awa?+
Ipinagkait sa akin ang mga ito.
16 Dahil ikaw ang Ama namin;+Maaaring hindi kami kilala ni AbrahamAt maaaring hindi kami makilala ni Israel,Pero ikaw, O Jehova, ang Ama namin.
Aming Manunubos ang pangalan mo mula pa noong unang panahon.+
17 O Jehova, bakit mo kami hinayaang malihis* sa iyong mga daan?
Bakit mo hinayaang tumigas* ang puso namin at hindi kami matakot sa iyo?+
Bumalik ka, alang-alang sa mga lingkod mo,Ang mga tribo ng iyong mana.+
18 Sandali lang itong naging pag-aari ng iyong banal na bayan.
Niyurakan ng mga kalaban namin ang santuwaryo mo.+
19 Sa loob ng mahabang panahon ay naging gaya kami ng mga hindi mo pinamahalaan,Gaya ng mga hindi tinawag sa pangalan mo.
Talababa
^ O posibleng “matingkad na pula.”
^ O “nagbigay sa akin ng tagumpay.”
^ O “ng anghel ng presensiya niya.”
^ O “malalim.”
^ O “ilang.”
^ O “ng magandang.”
^ Lit., “Ang pagkaligalig ng iyong mga panloob na bahagi.”
^ O “kagandahan.”
^ O “bakit mo kami pinalihis.”
^ Lit., “Bakit mo pinatigas.”