1. Lumakad kasama ng Diyos;

Nakahawak sa kaniyang kamay.

Tinanggap natin ang kaniyang

Kabaitang walang kapantay.

Dahil sa kaniyang pag-ibig,

Tayo’y makalalapit;

Buhay nati’y iaalay,

Kay Jehova ay papanig.

2. Ang wakas nalalapit na,

At ngayo’y galít si Satanas.

Paghadlang at pag-uusig,

Gamit niya nang tayo’y umatras.

Pero nandiyan si Jehova,

Hawak ang ating kamay.

Tayo’y laging iingatan

Upang tayo’y ’di mawalay.

3. Naglaan ang Diyos ng tulong,

Salita at espiritu niya,

Nar’yan din ang kongregasyon

At pananalangin sa kaniya.

Habang tayo’y lumalakad

Kasama ni Jehova,

Gagawin natin ang tama,

Magiging tapat sa kaniya.