Noong 2011, mahigit 5,700 katao ang natulungan ng mga Saksi ni Jehova na bumasa’t sumulat.

Sa nakalipas na 25 taon, mahigit 9,000 ang natulungang bumasa’t sumulat.

Mula 2002, halos 12,000 ang natutong bumasa’t sumulat. Sinabi ng 82-anyos na si Agnes: “Nang ipatalastas sa kongregasyon na magkakaroon ng klase sa pagbasa’t pagsulat, nagpatala kaagad ako. Sa unang sesyon, natutuhan kong isulat ang pangalan ko!”

Isang 55-taóng-gulang na estudyante ang sumulat: “Hindi ko akalaing matututo akong bumasa’t sumulat kasi hindi ako pinag-aral ng mga magulang ko.”

Mahigit 19,000 ang natutong bumasa sa nakaraang 15 taon. Sinabi ng estudyanteng si Felizarda: “Napakasaya ko kasi mababasa ko na ang Bibliya para sa iba. Hindi ko magawa ’yan dati.”

Isinulat ng aming tanggapang pansangay: “Noon, maraming nakatira sa liblib na nayon ang hindi makapunta sa mga paaralan. At iilang kabataang babae ang pinag-aaral. Kaya mga adulto ang partikular na nakinabang sa mga klase ng pagbasa’t pagsulat. Nagkaroon ng kumpiyansa ang mga nagtapos sa klase.”