PINA 92
Lefelo le le Bidiwang ka Leina la Gago
-
1. Mmopi re mo boitumelong,
Go bo re go agetse ntlo!
Re neela ntlo eno go wena
E le go go galaletsa.
Dilo tse re di go abelang,
E ne e ntse e le tsa ’go.
Bokgoni le ’khumo tsa rona,
Re di ntsha go tswa dipelong.
(KHORASE)
Re go naya lefelo le,
Gore leina la gago,
Le’itsisiwe mo go lone;
Ka kopo le’amogele.
-
2. A lefelo leno le tlale,
Ka kgalalelo ya gago.
A ba ba ithutang ka wena,
Ba tle go go baka fano.
Ke lefelo la kobamelo,
Mme re tla le tlhokomela.
E kete le ka nnela ruri,
Gore o galalediwe.
(KHORASE)
Re go naya lefelo le,
Gore leina la gago,
Le’itsisiwe mo go lone;
Ka kopo le’amogele.
(Bona le 1 Dikg. 8:18, 27; 1 Ditir. 29:11-14; Dit. 20:24.)
