NKHANI YA PAPEJI LAKWAMBA | KUMBI AKABONI AKU YEHOVA MBAYANI?
Kumbi Akaboni Aku Yehova Mbanthu a Mtundu Wuli?
Ndisi gulu lapacharu chosi lo lichita vinthu kwambula kuwovyeka ndi gulu lelosi la chisopa. Chinanga kuti likulu lidu le ku United States, kweni Akaboni anandi aja m’vyaru vinyaki. Akaboni aku Yehova akujumpha 8 miliyoni asambiza ŵanthu Bayibolu m’vyaru vakujumpha 230. Yiwu achita ivi chifukwa avwiya mazu ngaku Yesu ngakuti: “Uthenga wamampha uwu wa ufumu wazamupharazgika pacharu chosi chapasi kweniko kwe ŵanthu kuti uje ukaboni ku mitundu yosi.”—Mateyu 24:14.
Chinanga kuti tija m’vyaru vakupambanapambana, tivwiya marangu nga boma ndi mtima wosi kweni tisere ndali cha. Tichita viyo chifukwa tivwiya ulongozi waku Yesu wakuti tingajanga acharu cha. Tiselezekamu cha m’nkhani za ndali ndipuso tichiska ŵanthu cha kuti achitengi nkhondu. (Yohane 15:19; 17:16) Panyengu ya Nkhondu Yachiŵi ya Pacharu Chosi, Akaboni aku Yehova amangikanga, atombozgekanga ndipuso abayikanga chifukwa chakuti akananga kusere ndali za charu. Munthu munyaki yo wenga bishopu ku Germany wangulemba kuti: “Mbakaboni aku Yehova pe wo angukana kusere ndali chifukwa cha vo agomezga pa nyengu yo Adolf Hitler walamuliyanga.”
Nyuzipepala yinyaki yingukamba kuti: “[Akaboni aku Yehova] ŵe ndi mijalidu yamampha ukongwa. Alivi mbunu ndipu tikhoza kuŵagwiriskiya ntchitu m’maudindu ngakulungakulu m’boma kweni angazomera cha. . . . Yiwu aziŵa vo boma lingachita kuti liyendi umampha kweni agomezga kuti ndi Ufumu waku Chiuta pe wo ungatuzapu masuzgu ngosi.”—Nová Svoboda newspaper, Czech Republic.
Chinanga kuti ve viyo, kweni titijipatuwa cha. Yesu wangurombe akusambira ŵaki kuti: “Ndipempha kuti muŵatuzemu m’charu cha.” (Yohane 17:15) Ndichu chifukwa chaki mutitiwona kuti tigwira ntchitu, tigula vinthu ndipuso tiluta kusukulu.
Mungayanja Kuŵerenga so Nkhani Izi
MAFUMBU NGO BAYIBOLU LIMUKA
Kumbi Ufumu waku Chiuta Ntchinthu Wuli?
Ŵanaŵaniyani chifukwa cho ufumu waku Chiuta ngwanthazi ukongwa kuluska maboma ngosi nga ŵanthu.
