MARCH 20, 2023
GERMANY
Munthu Wachiŵembu Wakubaya Ŵanthu ndi Futi mu Nyumba ya Ufumu ya Hamburg, ku Germany
Nge mo tikuvwiyapu kali, pa March 9, 2023, munthu munyaki wachiŵembu yo wenga ndi futi wanguhoma abali ndi azichi mumpingu wa Hamburg-Winterhude maunganu nga mkati mwa sabata ngati ngamala waka. Chiŵembu ichi chingumala apolisi ŵati ŵaza ndi kusere mu Nyumba ya Ufumu, pavuli pakuti munthu uyu wabaya kali ndi kupweteka abali ndi azichi anyaki anandi. Pavuli paki, munthu yo wanguchita venivi nayu wangujibaya. Akaboni aku Yehova wosi mucharu ichi cha Germany ndipuso pacharu chosi awonga ukongwa mtima walisungu ndipuso wachanju wo arara a boma, mawupu ndipuso ŵanthu akupambanapambana pacharu chosi alongo pa chakuchitika ichi.
Mo Abali ndi Azichi Ŵidu Angukwaskikiya
Vakupaska chitima kuti abali anayi ndipuso azichi ŵaŵi akufwa kweniso mzichi munyaki yo wenga ndi nthumbu wangupwetekeka mpaka mwana wangufwiya mumoyu
Abali ŵaŵi ndipuso azichi 7 akupwetekeka
Chovyu cho Chikuperekeka
Akumiya ofesi ya nthambi ya ku Central Europe, akuwonere madera ŵaŵi ndipuso abali ŵara mumpingu wenuwu atiŵachiska ndi kuŵawovya abali ndi azichi a mpingu wenuwu
Nge abali ndi azichi, tosi titiŵapemphere abali wosi wo akukumana ndi ngozi yikulu yeniyi. Yehova “ndi malu ngakuvikilirika mu zuŵa la suzgu,” ndipu walutirizgengi kutiwovya kuti tikunthiyengepu po tilutirizga kumusopa mwachimangu.—Nahumu 1:7.