Leza utamba bantu bamisyobo yoonse kuti basweene kulinguwe kwiindaa munkombyo. (Intembauzyo 65:2) Nikuba boobo, taswiilili naa kutambula inkombyo zyoonse. Mucikozyanyo, taziswiilili pe inkombyo zyamwaalumi uutajati kabotu banaakwe. (1 Petro 3:7) Alubo, aawo banaIsraeli nibakayinduluka mukucita zibi, Leza tiiwakaswiilila pe inkombyo zyabo. Cilaantanganana kuti inkombyo ncoolwe. Nikuba boobo, Leza ulaziswiilila inkombyo zyabasizibi ikuti baleka zibi zyabo.​—Bala Isaya 1:15; 55:7.

Yeebela kavidiyo kategwa Leza Ulazitambula Na Nkombyo Zyoonse?

Inkombyo ninzila yabukombi bwesu, nkikaako tweelede kukomba kuli Jehova, Mulengi wesu alikke. (Matayo 4:10; 6:9) Akaambo kakuti tatumaninide, tweelede kukomba kwiinda muzina lyaJesu, nkaambo wakafwida zibi zyesu. (Johane 14:6) Jehova tayandi kuti katuyinduluka nkombyo zilimumutwe naa zilembedwe aansi. Uyanda kuti tukombe kazizwa mumoyo.​—Bala Matayo 6:7; baFilipi 4:6, 7.

Mulengi wesu ulamvwa inkombyo nzitwaamba mumyoyo yesu. (1 Samuele 1:12, 13) Ututamba kuti katukomba cindi coonse, nikuba mucindi cakubuka, cakoona, cakulya, alimwi anotuswanyaa mapenzi.​—Bala Intembauzyo 55:22; Matayo 15:36.

Kusweena kuli Leza tacili cuuba nkaambo tuponaamwi abantu batasyomi Leza, alimwi akuzisyomezyo zyaaluumuno luzooba munyika. (2 Timoteo 3:1, 4; 2 Petro 3:3, 13)  Akaambo kaako tweelede kuliswanizya abakombima kuti tusungwazyaane.​—Bala baHebrayo 10:24, 25.

Kuliswaanizya abantu bayanda Leza kutugwasya kuti tusweene kuli Leza. Miswaangano yaBakamboni baJehova itupa cindi cakuti tugwasigwe mulusyomo lwabamwi.​—Bala baRoma 1:11, 12.

Ulakonzya kusweena kuli Jehova kwiinda mukuyeyesesya atalaa nzwakayiiya kuzwa muJwi lyakwe. Yeyesesya atalaa milimu yakwe, lulayo lwakwe, alimwi azisyomezyo zyakwe. Kukomba akuyeyesesya atalaa nzizyo kupa kuti tulumbe luyando lwaLeza abusongo bwakwe kazizwa mumoyo.​—Bala Joshua 1:8; Intembauzyo 1:1-3.

Ulakonzya kusweena kuli Leza ikuti kumusyoma amoyo wako woonse. Cibizwaa kusosela, nkikaako lusyomo luyanda kuti kalusoselwa cindi coonse. Weelede kunososela lusyomo lwako kwiinda mukuyeyesesya nzusyoma.​—Bala Matayo 4:4; baHebrayo 11:1, 6.

Jehova ulaandaba abaabo bamuyanda. Ulakonzya kubakwabilila nikuba mulicili cintu cikonzya kunyonganyaa lusyomo lwabo, alimwi bulangilizi bwabo bwakuyoopona kukabe kutamani. (Intembauzyo 91:1, 2, 7-10) Utucenjeezya muzintu zikonzya kunyonyoona mibili yesu alimwi zimana kubotelwa kwesu. Jehova utwiisya nzila mbotu loko yakupona.​—Bala Intembauzyo 73:27, 28; Jakobo 4:4, 8.