CHIIYO 37
Nzilyaamba Bbayibbele Atala Amulimu Amali
Nga wakataazikana na kuti wayeeya atala amulimu naakuti mali? Kulakonzya kutuyumina kujana ziyandikana aachiindi chimwi katukomba Jehova munzila njayanda. Bbayibbele lilaamalayilile aakonzya kutugwasya atala ankani eeyi.
1. Bbayibbele lityeni atala amulimu?
Leza uyanda kuti tubotelwe amilimu yesu. Bbayibbele lyaamba kuti: “Kumuntu, kunyina cintu cibotu kwiinda kulya, kunywa alimwi akukkomana mumilimo njabeleka canguzu.” (Mukambausi 2:24) Jehova ubeleka changuzu. Kuti twatobelezya chikozyano chakwe kwiinda mukubeleka changuzu, zilapa kuti abotelwe akuti tukkutisikane.
Mulimu ulayandikana. Pesi tatweelede kuubikka mubusena bwakusaanguna pe kwiinda kukomba Jehova. (Johane 6:27) Jehova wakatusyomezya kuti, kuti twamubikka mubusena bwakusaanguna uyootupa zintu ziyandikana.
2. Ngaali maboneno ngitweelede kubaawo atala amali?
Bbayibbele lyaamba kuti ‘mali ilakwabilila’ alubo lilatuchenjezya kuti mali teenjiyo pe iipa kuti tubotelwe. (Mukambausi 7:12) Alubo lituchenjezya kuti tutayandisyi mali pe pesi ‘tukkutile azintu nzyotujisi.’ (Bala Bahebrayo 13:5.) Kuti twakkutisikana azintu nzitulaazyo, ziyoopa kuti tutayanduuli zintu zyiingi akuti tutantamuke zikwelete. (Tusimpi 22:7) Alubo ziyootugwasya kuti tuleke kubbeja akuchita zintu zitunjizya mumapenzi katuyanda kufwambaana kunota.
3. Kujana twayibelesya biyeni mali munzila iilikabotu?
Jehova nguLeza uupa, andiswe tulakonzya kumutobelezya kwiinda mukulipeda “kwaabana zintu abamwi.” (1 Timoteyo 6:18) Tulakonzya kubelesya mali munzila iilikabotu kwiinda mukusanga kuti ibelesegwe mumbungano akugwasya bamwi bayanda lugwasyo, kapati bakombima. Jehova talangi kuti twapa zyiingi biyeni, pesi ulanga makanze ngitulaawo chiindi nitulikupa. Kuti twapa kazizwa aansi amoyo, tulabotelwa alubo Jehova ulabotelwa.—Bala Milimo 20:35.
YIYA ZYIINGI
Bona bubotu bwakuba aamaboneno aalikabotu atala amulimu akukkutisikana.
4. Lemeka Jehova kwiinda munzila njubelekaayo
Nzila njubelekaayo yeelede kutondeezya kuti uli mweenzinyina waJehova. Mweebele KAVIDIYO, mpawo musandule mibuzyo iitobela.
-
Ngaali maboneno aalikabotu ngaakalaawo Jason atala amulimu?
-
Wakachitaanzi zitondeezya kuti taakali kubikka mulimu mubusena bwakusaanguna?
Bala Bakolose 3:23, 24, mpawo musandule mubuzyo uutobela:
-
Nkamboonzi nikuyandikana kuti tube aamaboneno aalikabotu atala amulimu?
Mulimu ulayandikana. Pesi tatweelede kuubikka mubusena bwakusaanguna pe kwiinda kukomba Jehova
5. Kukkutisikana kulatugwasya
Bantu biingi babeleka changuzu kuti bajane mali nyingi. Pesi Bbayibbele lilaamaboneno aasiyene atala ankani eeyi. Bala 1 Timoteyo 6:6-8, mpawo musandule mubuzyo uutobela:
-
Bbayibbele litusungwaazya kuti tuchiteenzi?
Tulakonzya kubotelwa nikuba katuli aazintu ziche zyakuponaazyo. Mweebele KAVIDIYO, mpawo musandule mubuzyo uutobela.
-
Nikuba kuti balaamalinche, niinzi zipa kuti mpuli eezi zibotelwe?
Ani kuti katuli aazintu zitukkwana pesi katuchiyanda zimwi? Jesu wakaambuula atala apenzi likonzya kuba. Bala Luka 12:15-21, mpawo musandule mubuzyo uutobela:
-
Wayiyaanzi kuzwa kuchikozyano chaJesu?—Langa vesi 15.
Bala mpawo ukozyanisye lugwalo lwa Tusimpi 10:22 alwa 1 Timoteyo 6:10. Kuzwa waawo, musandule mibuzyo iitobela:
-
Ubonaanga niinzi chiyandikana loko, kubaabweenzinyina aJehova naakuti mali? Nkamboonzi?
-
Ngaali mapenzi aakonzya kuba kuti wayandisya mali?
6. Jehova uyootupa ziyandikana
Mulimu amali zilakonzya kusunka lusyomo lwesu. Mweebele VIDIYO kuti mubone zintu zikonzya kusunka lusyomo lwesu mpawo musandule mibuzyo iitobela.
-
Mbuubuli buyumu-yumu mbwaakaswaana umwi mukwesu?
-
Niinzi chakamugwasya kuti azunde penzi eeli?
Bala Matayo 6:25-34, mpawo musandule mubuzyo uutobela:
-
Jehova ubasyomezyaanzi bantu bamubikka mubusena bwakusaanguna?
BAMWI BAAMBA KUTI: “Ndeelede kubeleka changuzu kuti ndisanine mpuli yangu. Tazichiti pe kuti kandiya kumiswaangano mviki amviki.”
-
Nduululi lugwalo lutondeezya kuti kubikka Jehova mubusena bwakusaanguna nchiichintu chiyandikana loko?
CHIFWIINSYO
Mulimu amali zilayandikana pesi tazyeelede kutukachizya kuti tukombe Jehova.
Mibuzyo Yakwiindulula
-
Niinzi chikonzya kukugwasya kuti ube aamaboneno aalikabotu atala amulimu?
-
Kukkutisikana kugwasya biyeni?
-
Nga ulatondeezya biyeni kuti ulasyoma kuti Jehova ulatupa ziyandikana?
YANDUULISISYA
Bona kuti Bbayibbele lyaamba kuti mali nimbi na.
“Mali Muyanda Wazibi Na?” (Chiiyo chijanika aaIntaneti)
Bona mbutukonzya kubelesya mali munzila iibotezya Jehova.
“Bbayibbele Lityeni Atala Akupa?” (Chiiyo chijanika aaIntaneti)
Kubbeja kulikabotu na?
“Nzilyaamba Bbayibbele Atala Akubbeja” (Amubuke!, March 2015)
Bona chakagwasya umwi mwaalumi wakali kuyandisya zyakubbeja kuti achinche maponeno aakwe.
“Bbayibbele Lilakonzya Kubachincha Bantu” (Ngaziyakulinda, November 1, 2011)
