1 | Nkombyo—“Kamuwaala Makataazyo Aanu Woonse Kulinguwe”
NZILYAAMBA BBAYIBBILI: “Kumwi kamuwaala makataazyo aanu woonse kulinguwe, nkaambo ulaandaba andinywe.”—1 PETRO 5:7.
Eezi Zyaamba Kuti
Jehova ututamba kuti tumubuzye zintu zyoonse zitukataazya mumizeezo amumyoyo yesu. (Intembauzyo 55:22) Tweelede kumubuzya mapenzi eesu woonse kazitakwe ndaba kuti mapati na naakuti maniini. Kuti iswe kazitukataazya zyaamba kuti aJehova zilamukataazya anguwe. Kukomba kuli Leza kutugwasya kuti tube aaluumuno lwamumizeezo.—Bafilipi 4:6, 7.
Zitugwasya Biyeni?
Chiindi nitulwaana aapenzi lyakukataazikana mumizeezo, tulakonzya kulimvwa katuli atulikke. Bamwi balakonzya kutabumvwisisisya buyumu-yumu mbutulikuswaana. (Tusimpi 14:10) Pesi kuti twakomba kuli Jehova amyoyo yesu yoonse ulatuswiilila akutumvwisisisya. Jehova ulatubona, ulizizi zintu zyoonse zituchisa azitukataazya alubo uyanda kuti tumubuzye atala anzizyo.—2 Makani 6:29, 30.
Kukomba kuli Jehova kupa kuti tube aachoonzyo chakuti ulaandaba andiswe. Tulakonzya kulimvwa mbuli mbakalimvwa sintembawuzyo ooyo wakakomba kati: “Wakubona kupenga kwangu; waazyiba mapenzi aangu mapati.” (Intembauzyo 31:7) Kuziba kuti Jehova ulaabona mapenzi ngituswaana kupa kuti twiinkilile kunembo kulisimya. Pesi kuli zyiingi nzyabona kutali mapenzi eesu kupela. Kusiyana abantu boonse, ulazimvwisisisya zintu nzituswaana alubo ulatuumbulizya kabelesya Bbayibbili.
You May Also Like
NGAZIYAKULINDA
Kujana Wakomba Biyeni Kuti Leza Asandule Nkombyo Zyako?
Ulakonzya kwaambuula aaLeza munkombyo kufumbwa nkubede alubo kufumbwa chiindi, kazitakwe ndaba kuti ulikukombela mumoyo na naakuti ulikugwisya majwi. Jesu wakatubuzya atala azintu nzitweelede kukombela.
NJIISYO ZYABBAYIBBILI ZIYANDIKANA
Leza Ulazitambula Na Nkombyo Zyoonse?
Ulaziswiilila na nkombyo zyamuntu uyanda kuligwasya lwakwe? Ulamuswiilila na mwaalumi utamujati kabotu mukayintu wakwe chakusisikizya mpawo buzuba butobela wakomba kuli Leza?
NGAZIYAKULINDA
Leza Ulaziswiilila Na Nkombyo Zyesu?
Bbayibbele lyaamba kuti Leza ulaziswiilila nkombyo zyesu kuti twakomba munzila njayanda.
ATALA ANDISWE
Kumbila Kuswayigwa
Mwaambuule atala amubuzyo wamuBbayibbili, naakuti yiya zyiingi atala aBakamboni baJehova.
