STADI 8
Ol Tok Piksa i Skulim Man
Matyu 13:34, 35
OL BIKPELA TOK: Mekim wok tisa bilong yu i kamap gutpela long rot bilong yusim ol tok piksa i no hatwok long kliagut long en we ol man bai amamas long harim na i skulim ol long ol bikpela samting.
ROT BILONG MEKIM:
-
Yusim ol tok piksa i no hatwok long kliagut. Bihainim pasin bilong Jisas, mekim wok long ol liklik samting bilong stori long ol bikpela samting, na ol samting i no hatwok long en bilong stori long ol samting i hatwok. No ken stori long planti liklik samting we bai mekim na i hatwok long kliagut long tok piksa. Skelim gut olsem ol samting yu stori long en long tok piksa i stret long tok yu kamapim, na bai ol man i harim i no paul long tok yu kamapim.
-
Tingim wanem samting bai helpim ol man i harim tok bilong yu. Makim ol tok piksa we i stret long ol wok na laik bilong ol man i harim tok bilong yu. Na yu mas was gut bai ol tok piksa bilong yu i no semim ol o bagarapim bel bilong ol.
-
Kamapim klia bikpela poin bilong tok. Tingting long kamapim klia ol bikpela poin bilong tok, i no ol liklik samting. Tok bilong yu i mas mekim ol man i tingim skul ol i kisim long tok piksa yu kamapim na i no tok piksa tasol.