YU TING WANPELA I BIN WOKIM?
Ai Bilong Binen Bilong Wokim Hani
OL BINEN BILONG WOKIM HANI i save flai isi isi na sindaun long ol plaua na ol i no bam na pundaun nabaut. Wanem samting i helpim ol long mekim olsem?
Tingim: Taim ol binen i flai i go klostu long wanpela samting, hariap tru ai bilong ol i mekim dispela samting i luk bikpela. Na nau ol i flai isi isi na dispela i helpim ol long i go sindaun long plaua na ol i no bam na pundaun nabaut. Tasol planti binatang i no inap mekim olsem.
Ai bilong yumi ol man inap skelim sapos samting i stap klostu o longwe, tasol ol binen bilong wokim hani i no inap mekim olsem. Ol wok painimaut long Australian National University i soim olsem ol binen i save flai isi isi na bai ai bilong ol inap lukim gut ples ol i laik sindaun long en.
Wanpela ripot bilong nius Proceedings of the National Academy of Sciences i tok: “Pasin bilong binen long flai isi isi na sindaun long ol plaua . . . inap helpim ol man long wokim ol robot i save flai.”
Yu ting wanem? Ai bilong binen bilong wokim hani i kamap long rot bilong evolusen? O wanpela i bin wokim?
Ating Yu Bai Laikim Tu
KIRAP!
Haus Bilong Binen
Ol binen i gat save long yusim gut spes taim ol i wokim haus bilong ol, tasol long 1999 ol saveman bilong matematiks i kisim save long as na ol i binen i bihainim dispela kain pasin
KIRAP!
Ol Gia Long Lek Bilong Binatang Issus Leafhopper
Ol samting olsem gia long lek bilong binatang Issus leafhopper i helpim lek bilong en long i gat strong bilong kalap i go longwe.
