Planti man i tingim kruse olsem mak bilong lotu Kristen long olgeta hap. Tasol maski mipela ol Witnes Bilong Jehova i Kristen, mipela i no save yusim kruse long taim mipela i lotu. Bilong wanem?

 Wanpela risen em Baibel i kamapim klia olsem Jisas i no dai long kruse, nogat, em i dai long wanpela pos. Na tu, Baibel i givim tok lukaut long ol Kristen long “ranawe long pasin bilong lotuim imis,” dispela i makim olsem ol i no ken yusim kruse long taim bilong lotu.​—1 Korin 10:14; 1 Jon 5:21.

 Bikpela samting moa, Jisas i tok: “Sapos pasin laikim i stap namel long yupela, orait olgeta bai save olsem yupela i disaipel bilong mi.” (Jon 13:34, 35) Olsem na Jisas i kamapim klia olsem pasin bilong redi long lusim laip bilong helpim narapela, dispela i mak bilong ol disaipel tru bilong em, i no kruse na ol narapela imis, nogat.