Nogat. Oganaisesen bilong mipela i no save skelim ol muvi, buk, o singsing na makim wanem ol samting wan wan i mas abrusim. Bilong wanem?

  Baibel i kirapim olgeta wan wan man long “skelim ol samting” na bai ol i kliagut long wanem samting i stret na wanem samting i no stret.​—Hibru 5:14.

  Baibel i kamapim ol stiatok em Kristen i ken tingim taim em i laik makim ol amamas. a Long olgeta samting mipela i mekim, mipela i laik “wok yet long skelim gut ol samting em Bikpela i orait long en.”​—Efesus 5:10.

  Baibel i tok ol het bilong famili i gat wok long bosim famili bilong ol, so ol inap makim wanem ol muvi, buk, o singsing em ol famili bilong ol i ken lukim, ritim, o harim. (1 Korin 11:3; Efesus 6:1-4) Tasol ol narapela i no gat rait long putim tambu long sampela muvi, o singsing samting na tok ol Witnes Bilong Jehova i no ken lukim o harim.​—Galesia 6:5.