DYONDZO 19
Xana Timbhoni Ta Yehovha I Vakreste Va Ntiyiso?
Hina Timbhoni ta Yehovha a hi kanakani leswaku hi Vakreste va ntiyiso. Hikwalaho ka yini hi vula tano? Kambisisa leswi hi pfumelaka eka swona, vito ra hina ni ndlela leyi hi rhandzanaka ha yona.
1. Leswi Timbhoni ta Yehovha ti pfumelaka eka swona swi huma kwihi?
Yesu u te: “Rito ra [Xikwembu] i ntiyiso.” (Yohane 17:17) Ku fana na Yesu, leswi Timbhoni ta Yehovha ti pfumelaka eka swona swi huma eRitweni ra Xikwembu ku nga Bibele. Xiya matimu ya hina ya manguva lawa. Hi va-1870, ntlawa wa swichudeni swa Bibele wu sungule ku kambisisa Bibele. A wu pfumela eka tidyondzo ta le Bibeleni hambileswi tikereke leti a ti ri kona a ti nga pfumeli eka tona. Kutani wu sungule wu byela van’wana ntiyiso lowu wu wu kumeke eBibeleni. a
2. Hikwalaho ka yini hi tivitana Timbhoni ta Yehovha?
Yehovha u vitana vanhu lava n’wi gandzelaka timbhoni takwe hikuva va byela van’wana ntiyiso hi yena. (Vaheveru 11:4–12:1) Hi xikombiso, emikarhini ya khale Xikwembu xi byele vanhu va xona xi ku: “N’wina mi timbhoni ta mina.” (Hlaya Esaya 43:10.) Yesu u vitaniwa “Mbhoni yo Tshembeka.” (Nhlavutelo 1:5) Hikwalaho, hi 1931 hi sungule ku vitaniwa Timbhoni ta Yehovha. Ha tsaka ku vitaniwa hi vito rero.
3. Timbhoni ta Yehovha ti kombisa rirhandzu ku fana na Yesu hi ndlela yihi?
Yesu a a va rhandza ngopfu vadyondzisiwa vakwe lerova eka yena a va fana ni ndyangu. (Hlaya Marka 3:35.) Hilaha ku fanaka, Timbhoni ta Yehovha i ndyangu lowu nga ni vun’we emisaveni hinkwayo. Hi yona mhaka hi vitananaka vamakwerhu. (Filemoni 1, 2) Hi yingisa xileriso lexi nge: “Rhandzani vamakwerhu hinkwavo.” (1 Petro 2:17) Timbhoni ta Yehovha ti kombisa leswaku ta rhandzana hi tindlela to hambanahambana, ta pfunana loko vamakwavo va lava ku pfuniwa.
ANAKANYISISA
Kambisisa matimu ya Timbhoni ta Yehovha, u vona vumbhoni byin’wana lebyi kombisaka leswaku hi Vakreste va ntiyiso.
Vakreste va ntiyiso va pfumela leswi Bibele yi swi dyondzisaka naswona va swi byela van’wana
4. Leswi hi swi pfumelaka swi huma eBibeleni
Yehovha u vule leswaku vanhu a va ta tiva ntiyiso lowu nga eBibeleni. Hlaya Daniyele 12:4, ivi mi bula hi xivutiso lexi:
-
I yini leswi a swi ta “andza” eka vanhu va Xikwembu loko va ya emahlweni va kambisisa Bibele?
Kambisisa ndlela leyi ntlawa wa swichudeni swa Bibele ku katsa na Charles Russell, a va dyondza Rito ra Xikwembu ha yona. Tlanga VHIDIYO, ivi mi bula hi xivutiso lexi landzelaka.
-
Eka vhidiyo leyi, Charles Russell ni Swichudeni leswin’wana swa Bibele a va yi dyondza njhani Bibele?
Xana a wu swi tiva?
Mikarhi yin’wana hi antswise tidyondzo leti a hi pfumela eka tona. Hikwalaho ka yini hi endle tano? Loko dyambu ri ri karhi ri xa, ku ya ku vonakala, hilaha ku fanaka Xikwembu xi hi pfuna hi twisisa Rito ra xona hakatsongotsongo. (Hlaya Swivuriso 4:18.) Hambileswi Bibele yi nga cinciki, hi antswisa leswi hi pfumelaka eka swona loko hi ya hi yi twisisa ku antswa Bibele.
5. Mahanyelo ya hina ma fambisana ni vito ra hina
Hikwalaho ka yini hi vitaniwa Timbhoni ta Yehovha? Tlanga VHIDIYO, ivi mi bula hi xivutiso lexi landzelaka.
-
Hikwalaho ka yini vito leri nge Timbhoni ta Yehovha ri hi fanerile?
Hikwalaho ka yini Yehovha a hlawule vanhu leswaku va va timbhoni takwe? A va ta tivisa van’wana leswaku Yehovha i Xikwembu xa ntiyiso hikuva u mbyindliwe hi mavunwa yo tala. Xiya mavunwa man’wana mambirhi.
Tikereke tin’wana ti dyondzisa vanhu leswaku Xikwembu xi lava va tirhisa swifaniso loko va xi gandzela. Hlaya Levhitika 26:1, ivi mi bula hi swivutiso leswi:
-
Bibele yi ri yini hi mhaka leyi? Yehovha u titwa njhani hi swifaniso?
Vafundhisi van’wana va dyondzisa vanhu leswaku Yesu i Xikwembu. Hlaya Yohane 20:17, ivi mi bula hi swivutiso leswi:
-
Bibele yi ri yini hi mhaka leyi? Xana Xikwembu na Yesu i munhu un’we?
-
U titwa njhani hi leswi Yehovha a rhumeke Timbhoni takwe leswaku ti dyondzisa ntiyiso hi yena ni N’wana wakwe?
6. Ha rhandzana
Bibele yi fanisa Vakreste ni swirho swo hambanahambana swa miri. Hlaya 1 Vakorinto 12:25, 26, ivi mi bula hi swivutiso leswi:
-
Vakreste va ntiyiso va fanele va endla yini loko Vakreste van’wana va xaniseka?
-
I yini leswi u nga swi vona leswi kombisaka leswaku Timbhoni ta Yehovha ta rhandzana?
Loko Timbhoni ta Yehovha etikweni ro karhi ti xaniseka, Timbhoni letin’wana emisaveni hinkwayo ti hatla ti pfuna. Leswaku u vona xikombiso xa mhaka leyi, tlanga VHIDIYO. Kutani mi bula hi xivutiso lexi landzelaka.
-
Matshalatshala lawa Timbhoni ta Yehovha ti ma endlaka ku phalala hi nkarhi wa timhangu ma swi kombisa njhani leswaku ti ni rirhandzu?
Vakreste va ntiyiso va kombisa leswaku va ni rirhandzu hi ku pfuna lava lavaka ku pfuniwa
VAN’WANA VA RI: “Timbhoni ta Yehovha i vukhongeri lebyintshwa.”
-
Yehovha u sungule rini ku vitana vagandzeri vakwe timbhoni takwe?
NKATSAKANYO
Timbhoni ta Yehovha i Vakreste va ntiyiso. Hi vagandzeri lava nga ndyangu wun’we emisaveni hinkwayo, hi byela van’wana ntiyiso hi Yehovha naswona leswi hi swi pfumelaka swi huma eBibeleni.
Mpfuxeto
-
Hikwalaho ka yini hi vitaniwa Timbhoni ta Yehovha?
-
Hi khomana njhani?
-
U vona onge Timbhoni ta Yehovha i Vakreste va ntiyiso?
KUMA LESWI ENGETELEKEKE
Dyondza swo tala hi matimu ya hina.
Timbhoni Ta Yehovha Ti Ni Ripfumelo Xiyenge 1: Ti Fularhela Munyama (1:00:53)
Vona xikombiso xa ndlela leyi Timbhoni ta Yehovha ti paluxeke tidyondzo ta mavunwa ha yona.
Kuma tinhlamulo ta swivutiso leswi u nga ha vaka na swona hi Timbhoni ta Yehovha.
“Swivutiso Leswi Talaka Ku Vutisiwa Malunghana Ni Timbhoni Ta Yehovha” (xiyenge lexi nga eka jw.org)
Stephen a a venga vanhu va tinxaka tin’wana ni ku tlhela a va xanisa. Twana leswi a swi voneke eka Timbhoni ta Yehovha leswi endleke a cinca.
“Vutomi Bya Mina A Byi Ya Byi Nyanya Ku Biha” (Xihondzo xo Rindza, July 1, 2015)
a Ku sukela hi 1879, Timbhoni ta Yehovha ti humese Xihondzo xo Rindza lexi a xi hlamusela ntiyiso lowu nga eBibeleni.
U Nga Ha Tsakela
SWIVUTISO LESWI TALAKA KU VUTISIWA
I Yini Dyondzo Ya Bibele Leyi Dyondzisiwaka Hi Timbhoni Ta Yehovha?
Eka dyondzo ya Bibele leyi dyondzisiwaka hi Timbhoni ta Yehovha, u nga tirhisa vuhundzuluxeri byin’wana ni byin’wana bya Bibele. Titwe u ntshunxekile ku rhamba ndyangu hinkwawo kumbe vanghana va wena leswaku mi ta dyondza swin’we.
