Yobo 34:1-37
34 Se Elihu a tama a vulavula a ku:
2 “Ni yingiseni n’wina va ku tlhariha;Ni yingiseni, n’wina mi tivaka swa swinyingi.
3 Hikusa ndleve yi ringa marito,Ku fana ni leswi lirimi li ringaka swakudla.
4 A hi kambisiseni leswi nga swinene hi hoxe;A hi tiyendleleni xiboho xa leswi nga swinene.
5 Hikusa Yobo a te: ‘Ni lulamile,+Kambe Xikwembu a xi ni yavanyisanga hi ku lulama.+
6 Ni fanele ni hemba ni hlaya swaku a ni lavi ku yavanyisiwa hi ndlela yayinene?
Xilondza xa mina a xi holi hambileswi ni kalaka ni nga na nandzu.’+
7 I mani lweyi a fanaka na Yobo,Lweyi a mintaka xisolo ku fana ni loko a minta mati?
8 I munghanu wa vanhu lava yendlaka swa ku bihaNaswona a tshama ni vanhu va ku yendla swa ku biha.+
9 Hikusa a te: ‘A swi mu sizi hi nchumu munhuKu zama ku tsakisa Xikwembu.’+
10 Se ni yingiseni n’wina vanhu va ku twisisa:
Xikwembu xa ntiyiso a xi nge tshuki xi yendla swa ku biha,+Lweyi Wa Matimba Hinkwawu a nge yendli swa ku biha!+
11 Hikusa xi ta hakela munhu hi ku ya hi leswi a swi yendlaka,+Naswona a ta hakeliwa hi ku ya hi mintirho ya yena.
12 Ntiyiso hi leswaku, Xikwembu a xi yendli swa ku biha;+Lweyi Wa Matimba Hinkwawu a nga yavanyisi hi ndlela ya ku biha.+
13 I mani lweyi a nga xi nyika misava,I mani lweyi a nga xi veka ka misava hinkwayu?
14 Loko a xo djikela vanhu,Loko a xo hlengeletela matimba ya vona ya wutomi ni ku hefemula ka vona,+
15 Vanhu hinkwavu a va ta fa,Naswona vanhu hinkwavu a va ta tlhelela ka wuthulu.+
16 Kutani loko u li munhu wa ku twisisa, yingisa leswi;Yingisa kahle leswi ni swi hlayaka.
17 Indjhe munhu lweyi a nyenyaka swa ku lulama a nga fuma?Kumbe wena u nga sola munhu wa ku lulama lweyi a fumaka?
18 Indjhe u nga byela hosi u ku: ‘A wu wa nchumu?’
Kumbe u byela munhu wa xiyimu xa le henhla u ku: ‘A wu munene’?+
19 Ku ni Lweyi a kalaka a nga kombisi xikheto ka varhangeli,Lweyi a kalaka a nga rhandzi lava va nga ganya ku tlula swisiwana,+Hikusa hinkwavu va hambiwe hi mavoko ya yena.+
20 Va nga ha fa kola na kola+ xikarhi ka wusiku;+Va rhurhumela va gama va fa;Hambi ku li lava nga ni matimba va susiwa kambe na va nga susiwi hi vanhu.+
21 Hikusa matihlo ya Xikwembu ma vona tindlela hinkwatu ta munhu,+Xi vona hinkwaswu leswi a swi yendlaka.
22 A ku na munyama kumbe ndzhuti wawukuluLani lava yendlaka swa ku biha va nga tumbelaka kona.+
23 Hikusa Xikwembu a xi vekelanga munhu nkamaLowu xi nga ta mu yavanyisa hi wona.
24 Xi tshova lava nga ni matimba na xi nga va kambisisanga,Xi va pfaleta hi van’wani.+
25 Hikusa xi tiva leswi va swi yendlaka;+Xi va susa ka switulu swa vona niwusiku va gama va helisiwa.+
26 Xa va ba ka ndhawu leyi va voniwaka hi vanhu hinkwavu,Hi mhaka ya swilo swa ku biha leswi va swi yendlaka,+
27 Hikusa va tshike ku xi landzela,+A va na mhaka ni minawu ya xona;+
28 Va yendla xisiwana xi rila xi kombela ku pfuniwa hi Xikwembu,Xikwembu xi za xi twa ku rila ka lweyi a kalaka a nga na wa ku mu pfuna.+
29 Loko Xikwembu xi miyela, i mani lweyi a nga xi nyikaka nandzu?
Loko xi tumbeta nghohe* ya xona, i mani lweyi a nga xi vonaka?
Hambi xo yi tumbetela tiko kumbe vanhu, magamu ya kona ma fana,
30 Swaku munhu lweyi a kalaka a nga chavi Xikwembu a nga fumi,+Kumbe a rhiya vanhu hi mintlhamu.
31 Hikusa indjhe a kona lweyi a nga byelaka Xikwembu a ku:‘Ni khatisiwile na ni nga wonhanga nchumu?+
32 Ni kombe xiwonho xa mina;Loko ni wonhile a ni nge he phindhi’?
33 Xi fanele xi ku hakela hi ku ya hi mavonelo ya wena, leswi u yalaka ku yavanyisa ka xona?
Tiyendlele xiboho hi wexe ku nga li mina.
Se ni byeli leswi u swi tivaka kahle.
34 Vanhu lava twisisaka va ta ni byela va ku,Vanhu va ku tlhariha lava twaka leswi ni swi hlayaka va ta ku:
35 ‘Yobo a vulavula leswi a kalaka a nga swi tivi,+Naswona marito ya yena ma kombisa leswaku a nga twisisi.’
36 Yobo a a ringiwe* hi ku helelaHikusa a hlamula ku fana ni vanhu lava yendlaka swa ku biha!
37 A tama a djoha;+A ba mavoko na a hi delela,A tama a khuluma swa ku biha hi Xikwembu xa ntiyiso!”+
